ƝANMIƐN NDƐ’N NUN NINNGE KPAKPA WIE MUN | SAUN YOLƐ 4–5:19
Maan e fa e sa nun ninnge kpakpa mun e man Zoova
Laa Izraɛli lɔ’n kannzɛ sran kun ti yalɛfuɛ bɔbɔ’n, sanngɛ ɔ nin Zoova be afiɛn kwla sɛ. Sran ng’ɔ leman wie mlɔnmlɔn’n sɛ ɔ tu i klun fa like kpa ng’ɔ le i’n man Zoova’n, ɔ nin i be afiɛn kwla sɛ wie. Afin ɔ kwla fa sanmlɛn man Zoova. Sanngɛ ɔ fata kɛ ɔ yo ‘mlɛnnɛnnɛn kpa’ kɛ nga be fa sɔ aofuɛ kpa’m be nun’n sa. (Bo 18:6) Andɛ kusu’n, kannzɛ e su sa’m be ti sɛ ti sɛ’n, sanngɛ kɛ e tu e klun e su Zoova’n, ɔ yo i fɛ. Afin i sɔ’n ti kɛ “tɛ yɛ e su yi e mɛn i sa.”—Ebr 13:15.
?Kannzɛ bɔbɔ tukpacɛ’n kle ɔ yalɛ’n annzɛ a leman wunmiɛn kɛ laa’n sa’n, wafa sɛ yɛ ndɛ sɔ’n kwla uka-ɔ?