Kɛ e nanti Zoova i mmla’m be su’n, e kle kɛ e klo i

Sɛ sran kun yo sa tɛ naan ɔ yomɛn i nsisɔ’n be tu i asɔnun’n nun naan i nzuɛn tɛ’n w’a saman asɔnun’n nunfuɛ onga mun. (1Ko 5:6, 11) Kɛ e suan ajalɛ sɔ’n i bo’n, e kle kɛ e klo Zoova nin e niaan mun. E kwlaa e si kɛ, kɛ be tu sran kun asɔnun’n nun’n, ɔ yo e nin asɔnun kpɛnngbɛn nga be fali ajalɛ sɔ’n e ya. ?Sanngɛ ngue ti yɛ e se kɛ ɔ ti klolɛ’n i nglo yilɛ-ɔ?

Like ng’ɔ ti e cinnjin kpa’n yɛle kɛ e klo Zoova i mmla mun yɛ e kunndɛman kɛ i dunman’n saci. (1Pi 1:14-16) Asa ekun’n, e kle sran nga be tuli i asɔnun’n nun kɛ e klo i wie. Kɛ be tu sran kun fɔ’n, ɔ yo ya. Sanngɛ i sin’n sɛ sran’n sɔ nun klanman’n, ɔ ‘yo kpa yɛ ɔ di alaje.’ (Ebr 12:5, 6, 11) Sɛ be tu sran kun asɔnun’n nun annzɛ sran kun bɔbɔ fa ajalɛ kɛ ɔ suman Zoova kun naan e nin sran sɔ’n e san nun’n, ɔ ti kɛ e su tanndan Zoova ɲrun sa. Nán e wla fi su kɛ, kɛ Zoova tu i sufuɛ’m be fɔ’n sa nga be yoli’n su yɛ ɔ jran tu be fɔ-ɔ. (Ze 30:11) E wla o su kɛ sran sɔ’n wá sɛ́ i sin e Si m’ɔ si aunnvuɛ’n i wun. Sanngɛ kwlaa naan blɛ sɔ’n w’a ju’n, maan e mian e ɲin naan e suan ajalɛ nga Zoova fa’n i bo, yɛ e yo like kwlaa nga e kwla yo naan e nin i e afiɛn w’a mantan kpa’n.—Eza 1:16-18; 55:7.

AN NIAN VIDEO NGA BE FLƐ I KƐ NÁN MAAN E AWLƐN’N YO NƝƆNNƝƆN ƝANMIƐN SULƐ’N NUN. I SIN’N, AN TƐ KOSAN NGA’M BE SU:

• 

  ?Kɛ ba kun fa ajalɛ kɛ ɔ suman Zoova kun’n wafa sɛ yɛ i sɔ’n yo i si nin i nin-ɔn?

• 

  ?Wafa sɛ yɛ asɔnun nunfuɛ’m be kwla suan awlobofuɛ onga’m be bo-ɔ?

• 

  ?Biblu’n nun ndɛ benin yɛ ɔ kle kɛ ɔ ti cinnjin kɛ e klo Zoova tankaan kpa tra e osufuɛ mun-ɔn?

• 

  ?Wafa sɛ yɛ e kwla kle kɛ e klo Zoova tra e osufuɛ mun-ɔn?