Amun yo naan amun aja’n yo ye

Nda nga yasua kun nin bla kun be ta be wun’n Zoova bu i like cinnjin kpa, yɛ ɔ kunndɛ kɛ be tran titi. (Mt 19:5, 6) Zoova i sufuɛ nga be di aklunjuɛ be aja nun’n be diman be yalɛ. Sanngɛ kɛ mɔ fɔ o bla nin yasua’m be nun’n ti’n ndɛ kwla tɔ aja’n nun. Sran wie’m be liɛ’n kɛ ndɛ tɔ be nin be yi’n annzɛ be wun’n be afiɛn’n be titi nun annzɛ be yra. Sanngɛ ɔ fataman kɛ Kisifuɛ’m be yo sɔ wie. ?Wafa sɛ yɛ Klisifuɛ nga be o aja nun’n be kwla yo naan be aja’n w’a yo ye-ɔ?

Ninnge cinnjin nnun nga’m be kwla uka amun.

1. Amun nian amun wun su naan amun a yoman ninnge nga be saci aja’n. Yɛle kɛ nán amun nin sran uflɛ be tra ndalie, yɛ nán amun fa ninnge tɛtɛ’m be yiyi amun ɲin su.​—Mt 5:28; 2Pi 2:14.

2. Amun mian amun ɲin naan amun nin Ɲanmiɛn amun afiɛn mantan kpa. Asa ekun, like kwlaa nga amun kwla yo naan i klun w’a jɔ amun wun’n, amun yo.​—Ju 97:10.

3. Amun mian amun ɲin naan amun nzuɛn’n yo kpa titi. Yɛ ninnge kanngan nga amun kwla yo naan amun yi annzɛ amun wun’n w’a di aklunjuɛ’n amun yo be.​—Kol 3:8-10, 12-14.

4. Amun koko yalɛ aɲinyiɛ su nin amanniɛn su.​—Kol 4:6.

5. Klolɛ su’n amun yo like ng’ɔ fata kɛ amun yo man amun wiengu’n.​—1Ko 7:3, 4; 10:24.

Kɛ Klisifuɛ’m be bu aja’n i like cinnjin’n, i sɔ’n manman Zoova m’ɔ kpɛli i ba’n.

AN NIAN VIDEO NGA BE FLƐ I KƐ MAAN “E MIAN E ƝIN SIN LIKA NGA BE KLE YE’N NUN”: E WANNDI KƐ BE KLE E’N SA. I SIN’N, AN TƐ KOSAN NGA’M BE SU:

• 

  ?Kannzɛ aja’n bo i bo kpa’n, sanngɛ kɛ ɔ́ kɔ́ i ɲrun’n sa benin yɛ be kwla ju-ɔ?

• 

  ?Wafa sɛ yɛ Biblu’n nun mmla’m be kwla uka be nga be bu i kɛ be diman aklunjuɛ be aja’n nun’n nin-ɔn?

• 

  ?Mmla benin yɛ Zoova mannin yasua nin bla nga be o aja nun’n nin-ɔn?

• ?Like benin yɛ ɔ fata kɛ yasua kun nin i yi be yo naan be aja’n w’a yo ye-ɔ?