ƝANMIƐN NDƐ’N NUN NINNGE KPAKPA WIE MUN

“Min yɛ n ti wɔ aɲanbeun like-ɔ”

Zoova mɛnnin i ɲrun jranfuɛ mun nin Levifuɛ’m be junman cinnjin kpa kun. (Ka 18:6, 7)

Levi akpasua nunfuɛ’m b’a ɲanman asiɛ’n wie. Sanngɛ Zoova yoli be aɲanbeun like. (Ka 18:20, 24; w11 1/9 16 § 9)

Blusu nga nvlefuɛ’m be yi man Ɲanmiɛn’n yɛ be fa suan Levifuɛ mun nin Ɲanmiɛn ɲrun jranfuɛ’m be bo-ɔ. (Ka 18:21, 26, 27; w11 1/9 11 § 4)

Zoova tɛli i ɲrun jranfuɛ mun nin Levifuɛ’m be nda kɛ ɔ́ fá ninnge nga be sa mian be wun’n mán be. E kusu e kwla lafi su kɛ sɛ e tu e klun e su Zoova’n ɔ́ nían e lika.

Foto mun: Zoova fa like nga i sufuɛ’m be miɛn i wun’n man be. 1. Aniaan bla kun su fa sika wlɛ i anvelɔpu kun nun. 2. Anvelɔpu’n wo anuan kun bo. 3. Niɛn kun mɔ i kunngba yɛ ɔ tɛ i wa’n, w’a to i sa w’a blɛ i wa’n yɛ be su nian sika ng’ɔ o anvelɔpu’n nun’n.