LIKE NGA KLISIFUƐ’M BE YO’N

Maan e nian e wun su kpa nzan nɔnlɛ’n nun

Foto nga fin video nga be flɛ i kɛ ‘Ka naan w’a nɔn nzan’n bu i sin sa’m be akunndan’ nun. Wuo kun w’a fin nzan m’ɔ o bian kun sa nun’n w’a fite.

Ɔ fata kɛ Klisifuɛ’m be kwlaa be nian be wun su nzan nɔnlɛ’n nun. (Nya 23:20, 29-35; 1Ko 6:9, 10) Sɛ Klisifuɛ kun fa ajalɛ kɛ ɔ́ nɔ́n nzan’n nán maan ɔ nɔn tratra su. Asa ekun’n ɔ fataman kɛ ɔ yo nzanbɔɛfuɛ yɛ nán ɔ yo naan i wiengu’m be tɔ. (1Ko 10:23, 24; 1Ti 5:23) Ɔ fataman kɛ e mian sran kun, i li gbanflɛn nin talua mun naan be bu i kɛ ɔ fata kɛ be nɔn nzan.

AN NIAN VIDEO NGA BE FLƐ I KƐ KA NAAN W’A NƆN NZAN’N BU I SIN SA’M BE AKUNNDAN. I SIN’N, AN TƐ KOSAN NGA’M BE SU:

?Mmla ng’ɔ kan nzan nɔnlɛ’n i ndɛ’n ngue ti yɛ ɔ fata kɛ Klisifuɛ’m be nian su be nanti-ɔ?—Rɔm 13:1-4
?Ngue ti yɛ ɔ fataman kɛ e man sran wie atin naan ɔ mian e kɛ e nɔn nzan-ɔn?—Rɔm 6:16
Sɛ e nɔn nzan tratra su’n sa wie’m be kwla ɲan e. ?É yó sɛ naan sa sɔ’m b’a to b’a fuan e?