Maan e uka Biblu’n nun like suanfuɛ mun naan be ngunmin be suan Ɲanmiɛn ndɛ’n

Kɛ ɔ ko yo naan be nga e kle be Biblu’n nun like’n b’a si Zoova kpa naan kusu be ɲin w’a ti i sulɛ’n nun’n ɔ fataman kɛ be ka ninnge nga e kle be’n be su ngunmin. (Mt 5:3; Ebr 5:12–6:2) Ɔ fata kɛ e uka be naan be ngunmin be suan Ɲanmiɛn Ndɛ’n nun like.

I bo bolɛ’n nun’n, maan e kle be wafa nga be kwla siesie be wun kwlaa naan y’a suan like’n yɛ e wla be fanngan kɛ be yo sɔ. (mwb18.03 6) E wla be fanngan naan be dun mmua srɛ Zoova kwlaa naan b’a suan like. Wafa nga be kwla ɲan ninnge nga be o JW Library^®, Watchtower Library, Watchtower ƐNTƐNƐTI SU FLUWA SIEWLƐ’N^™ annzɛ jw.org su’n maan e kle be. Asa’n wafa nga be fa di junman’n maan e kle be wie. E kle be wafa nga be kwla wun ninnge uflɛuflɛ nga be fite jw.org nin JW televiziɔn^® su’n. Kɛ ɔ́ kɔ́ i ɲrun’n e wla be fanngan naan be kanngan Biblu’n nun cɛn kwlaa naan kusu be siesie be wun kwlaa naan b’a ɔ aɲia’m be bo. Asa’n e kle be wafa nga be kwla kunndɛ kosan nga be usa be wun’n be su tɛlɛ’n. E uka be naan be bu like nga be suan’n i su akunndan.

AN NIAN VIDEO NGA BE FLƐ I KƐ MAAN E UKA BIBLU’N NUN LIKE SUANFUƐ MUN NAAN BE NGUNMIN BE SUAN ƝANMIƐN NDƐ’N. I SIN’N, AN TƐ KOSAN NGA’M BE SU:

• 

  ?Wafa sɛ yɛ Neta ukali Jadi naan w’a wun i wlɛ kɛ nán kosan’m be su tɛlɛ ngbɛn sa’n yɛ be flɛ i Biblu’n nun like suanlɛ’n niɔn?

• 

  ?Ngue yɛ ɔ ukali Jadi naan w’a wun i wlɛ kɛ, kɛ Zoova se kɛ nán e kunndɛ bian nin bla sukusuku’n i sɔ’n ti kpa-ɔ?

• 

  ?Kɛ be se kɛ be bu like kun su akunndan’n i su like benin yɛ Jadi wunnin i wlɛ-ɔ?