Gbanflɛn nin talua mun amun kan amun su sa’n kle amun si nin amun nin

?Ngue ti yɛ ɔ fata kɛ amun kan amun klun ndɛ kle amun si nin amun nin-ɔn? (Nya 23:26) Afin Zoova seli be kɛ be nian amun lika yɛ be kle amun atin. (Ju 127:3, 4) Sanngɛ sɛ amun kanman amun klun ndɛ kleman be’n amun ukalɛ’n yó kekle mán be. Asa kusu’n, ninnge nga be si be yo kpa’n amun su kwlá ɲanman be su ye. Ɔ ju wie’n amun kwla se kɛ amun su kanman ndɛ wie mun kleman amun si nin amun nin. Sanngɛ nán amun laka be.​—Nya 3:32.

?Ngue yɛ amún yó naan amun nin amun si nin amun nin b’a koko yalɛ-ɔ? Blɛ mɔ amun kwlaa amun le blɛ’n, i nun yɛ ɔ fata kɛ amun nin be koko yalɛ-ɔ. Sɛ i sɔ yolɛ’n ti kekle’n, wafa nga amun wun yo amun’n, amun kɛn i ndɛ lɛtri kun nun man be. ?Yɛ sɛ be kunndɛ kɛ be nin amun kókó sa kun mɔ amun kunndɛman kɛ amun nin be kókó su yalɛ’n nin? Nán amun wla fi su kɛ be kunndɛ kɛ bé úka amun. Nán amun bu i kɛ amun si nin amun nin be ti amun kpɔfuɛ. Sanngɛ an fa be yo amun janvuɛ. Amun ɲin mɔ amun mian naan amun a kan amun klun ndɛ b’a kle be’n su kaman ngbɛn. Ɔ́ yó amun wun sa ye tititi!​—Nya 4:10-12.

AN NIAN VIDEO NGA BE FLƐ I KƐ GBANFLƐN NIN TALUA MUN: ?Ń YÓ SƐ NAAN MIN NIN MIN SI NIN MIN NIN Y’A KOKO YALƐ? I SIN’N, AN TƐ KOSAN NGA’M BE SU:

• ?Ngue yɛ Ɛstɛɛ nin Paatiki be sieli i nzɔliɛ be bɔbɔ be lika-ɔ?

• ?Wafa sɛ yɛ Zezi i ajalɛ’n kwla uka wɔ-ɔ?

• ?Ngue yɛ ɔ si nin ɔ nin be yo m’ɔ kle kɛ be nian ɔ lika-ɔ?

• 

  ?Biblu’n nun ndɛ benin yɛ ɔ kwla uka ɔ naan a nin ɔ si nin ɔ nin b’a koko yalɛ-ɔ?