LIKE NGA KLISIFUƐ’M BE YO’N
Like nga Samiɛli i su ndɛ’n kle e’n
Samiɛli nin Zoova be nantili klanman lele ɔ fa wuli. I nun m’ɔ ti bakan’n, w’a nianman Eli i wa yasua Ɔfni nin Fineasi be ayeliɛ tɛ’n su. (1Sa 2:22-26) Kɛ Samiɛli ɲín kɔ́’n nn ɔ nin Zoova be o nun titi. (1Sa 3:19) Kɛ Samiɛli yoli oke’n, kannzɛ i mma’m be nin Zoova b’a nantiman klanman’n sanngɛ i liɛ’n ɔ yoli sɔ titi.—1Sa 8:1-5.
?Ngue yɛ Samiɛli i su ndɛ’n kle e-ɔ? Sɛ amun ti gbanflɛn annzɛ talua’n maan amun lafi su kɛ Zoova wun sa ng’ɔ kle amun yalɛ’n yɛ ɔ wun wafa nga amun wun yo amun’n i wlɛ. Ɔ kwla uka amun naan amun a yo yakpafuɛ. (Eza 41:10, 13) Sɛ kusu amun ti siɛ annzɛ niɛn naan amun wa’n suman Zoova kun’n, Samiɛli i su ndɛ’n kwla uka amun. W’a miɛnmɛn i mma mɔ b’a yo kaklaaka’n kɛ san fii be nanti Zoova i mmla’m be su. Sanngɛ ɔ fali sa sɔ’n wlɛli i Zoova sa nun yɛ ɔ nin i be nantili klanman titi. I sɔ’n m’ɔ yoli’n jɔli i Si Zoova m’ɔ o ɲanmiɛn su lɔ’n i klun. Atrɛkpa’n amun ayeliɛ kpa’n ti’n amun wa’n sɛ́ i sin Zoova wun ekun.
N NIAN VIDEO NGA BE FLƐ I KƐ LIKE NGA BE SU NDƐ’N KLE E’N—SAMIƐLI. I SIN’N, AN TƐ KOSAN NGA’M BE SU:
?I nun mɔ Samiɛli ti bakan’n wafa sɛ yɛ ɔ kleli kɛ ɔ ti yakpafuɛ-ɔ?
?Wafa sɛ yɛ Danin kleli kɛ ɔ ti yakpafuɛ-ɔ?
?Kɛ Samiɛli yoli kpɛnngbɛn’n wafa sɛ yɛ ɔ kleli ajalɛ kpa-ɔ?
Be nga be yo sa ng’ɔ ti kpa titi’n Zoova suan be bo.
?Wafa sɛ yɛ Danin i si nin i nin be kleli ajalɛ kpa-ɔ?