Maan e kan e wun ase yɛ like nga e le i’n maan ɔ ju e

Ɲanmiɛn nuan ijɔfuɛ’n w’a sɔman like nga Zeroboamun waan ɔ́ fá mɛ́n i’n nun. (1Fa 13:7-10; w08 1/8 13 § 4)

Kasiɛn su’n, Ɲanmiɛn nuan ijɔfuɛ’n w’a nianman ndɛ nga Ɲanmiɛn kan kleli i’n su w’a nantiman. (1Fa 13:14-19; w08 1/8 16 § 15)

Kɛ mɔ Ɲanmiɛn nuan ijɔfuɛ’n w’a faman ndɛ nga Zoova kan kleli i su’n ti’n i bo w’a guaman kpa w’a mɛnmɛn i. (1Fa 13:20-22; w08 1/8 14 § 10)

Sɛ like nga e le i’n ju e’n yɛ sɛ kwlaa naan y’a fa ajalɛ’n e srɛ Zoova kɛ ɔ uka e’n ninnge kpanngban tó fúan e.—1Ti 6:8-10

USA Ɔ WUN KƐ: ‘?Wafa sɛ yɛ n kwla kle kɛ like nga n le i’n ɔ ju min-ɔn? ?Ajalɛ falɛ nun’n, wafa sɛ yɛ n kwla kle kɛ n kan min wun ase-ɔ?’—Nya 3:5; 11:2.