Be siesieli junman nga be di i Ɲanmiɛn sua nun lɔ’n i kpa

Famiɛn Davidi siesieli Levifuɛ mun nin Ɲanmiɛn ɲrun jranfuɛ mun naan be di junman Ɲanmiɛn i sua’n nun. (1Ɲo 23:6, 27, 28; 24:1, 3; it-2-F 133 § 2, 657 § 7, 658 § 1)

Be kpali be nga be si jue to kpa’n ɔ nin be nga be su suɛn i tolɛ’n naan be to jue manman Zoova. (1Ɲo 25:1, 8; it-2-F 358-359)

Be kpali Levifuɛ mun naan be nian anuan mun nin Ɲanmiɛn i sua’n i nun ninnge kpakpa’m be su. Asa’n, be dili junman uflɛ wie mun ekun. (1Ɲo 26:16-20; it-2-F 620 § 1-4)

Kɛ é sú Zoova’n e yo ninnge mun sɛsɛsɛ afin ɔ kloman ninnge nga be yo i sukusuku’n.—1Ko 14:33.

BU SU AKUNNDAN:?Wafa sɛ yɛ be siesie ninnge’m be yolɛ’n asɔnun’n nun andɛ-ɔ?