?Amun bu i kɛ amun nin junman wie dilɛ fataman?

Ɲanmiɛn ɲrun jranfuɛ dan’n nin i niaan’m be yoli be wun kpakpa ti b’a ukaman be nga be su kplan Zerizalɛmun klɔ’n i wun talɛ’n. (Nee 3:1)

Sran dandan wie’m “b’a loman be wun” b’a ukaman be nga be di junman’n. (Nee 3:5; w06 1/2 30 § 1)

Bla wie mɔ be lafi Ɲanmiɛn su’n be tuli be klun dili junman kekle kpa yɛ i sɔ yolɛ nun’n be fali be nguan sieli i wie nuan. (Nee 3:12; w19.10 23 § 11)

Asɔnun nun’n junman wie’m be o lɛ mɔ sran’m be kwla bu i kɛ be nga be leman ɲrun’n be yɛ ɔ fata kɛ be di-ɔ. Yɛ atrɛkpa’n be nga be di junman sɔ’n sran’m be sieman be nzɔliɛ.—w04 1/8 31 § 16.

USA Ɔ WUN KƐ: ‘?Kɛ jasin fɛ’n ti’n, n di i sɔ’n junman mun’n wafa sɛ yɛ min wun yo min-ɔn?’—1Ko 9:23.