?Kɛ A Srɛ Ɲanmiɛn’n ɔ Ti?
?A bu i kɛ Ɲanmiɛn ti ɔ srɛlɛ’n sakpasakpa?
NDƐ NGA BIBLU’N KAN’N
Ɲanmiɛn tie e srɛlɛ’n. Biblu’n se kɛ: “Zoova o be kwlaa nga be kpan flɛ i’n be wun koko, ɔ o be kwlaa nga be kpan flɛ i nanwlɛ su’n be wun koko. […] Ɔ ti kpanlɛ mɔ be kpan flɛ i kɛ ɔ uka be’n, yɛ ɔ de be.”—Jue Mun 145:18, 19.
Ɲanmiɛn kunndɛ kɛ e srɛ i. Biblu’n se e kɛ: “Sa kwlaa ng’ɔ o amun su’n, an koko kle Ɲanmiɛn. An tu amun klun be srɛ i, yɛ an lɛ i ase.” —Filipufuɛ Mun 4:6.
E ndɛ lo Ɲanmiɛn. Ɲanmiɛn si e su sa’n kwlakwla yɛ ɔ kunndɛ kɛ ɔ́ úka e. Biblu’n se kɛ: “An fa amun su sa’n kwlaa wlɛ i Ɲanmiɛn sa nun, afin amun ndɛ lo i.”—1 Piɛli 5:7.