E mian mɛn uflɛ kun wun
Be flɛ bian kun kɛ Antonio Guterɛsi. Ɔ ti nvlenvle’m be anuannzɛ nga be flɛ i kɛ ONU i su kpɛn. Ɔ seli kɛ: “Afɛ nin ɲrɛnnɛn’n b’a yi mɛn’n piɛ.” ?Kɛ a niɛn i sa’n, i ndɛ yoman fɛ?
Sa nga be o mɛn’n nun andɛ’n:
Tukpacɛ tɛtɛ mun
Sanvuɛsa mun
Yalɛ’n nin awe’n
Aunmuan mɔ w’a yo fiɛn’n yɛ lika m’ɔ lo dan’n
Sran kunlɛ nin nzaje sa mun nin ndrunmun dilɛ’n
Alɛ’n
I sɔ’n kle kɛ e mian mɛn uflɛ kun wun. Mɛn sɔ’n nun’n:
E su tɔman tukpacɛ kun
É trán fɔun nun
É ɲán aliɛ kaka é dí
Lika kwlaa yó sanwun
Be su buman sran lufle kun
Be su diman alɛ kun
?Sanngɛ mɛn uflɛ benin yɛ e kɛn i ndɛ’n niɔn?
?Sa benin yɛ ɔ́ wá jú mɛn nga su-ɔ?
?É yó sɛ naan y’a tran mɛn uflɛ’n nun wie?
Biblu’n tɛ kosan sɔ mun nin kosan uflɛ wie mun ekun be su. Sasafuɛ Tranwlɛ’n nga nun’n, é wá fá e ɲin síe i kosan sɔ’m be su tɛlɛ’n su.