Kɛ be bu e lufle’n maan e tra e awlɛn

Kanngan Bo Bolɛ 37:​23-28; 39:​17-23 nun naan nian wafa nga a kwla nian Zozɛfu mɔ kɛ be buli i lufle’n, ɔ trɛli i awlɛn’n i ayeliɛ’n su’n.

Fa ɔ ɲin sie i ndɛ’n i ɲrun nin i sin’n su. ?Ngue ti yɛ sran wie’m be buli Zozɛfu i lufle-ɔ? (Bob. 37:​3-11; 39:​1, 6-10) ?Be buli Zozɛfu i lufle afuɛ nɲɛ? (Bob. 37:2; 41:46) ?Blɛ sɔ’n nun’n, ngue yɛ Zoova yo mannin Zozɛfu-ɔ? ?Yɛ ngue yɛ w’a yoman-ɔn?—Bob. 39:​2, 21. w23.01 17 § 13.

Bu ndɛ’n i su akunndan kpa. Kannzɛ bɔbɔ Potifaa i yi’n buali Zozɛfu i su ato’n, sanngɛ Biblu’n kleman kɛ Zozɛfu kplili i ti. Sɛ a bu Biblu’n nun ndɛ mma nga’m be su akunndan kpa’n, á sí sa nga ti yɛ atrɛkpa’n Zozɛfu w’a kplimɛn i ti’n. Yɛ á sí sa nga ti yɛ ɔ nunman nun kɛ Biblu’n kan ndɛ’n i ngbɛsungbɛsu kwlaa’n. (Ɲan. 20:2; Zan 21:25; Yol. 21:37) ?Nzuɛn benin yɛ ɔ ukali Zozɛfu naan w’a trɛ i awlɛn-ɔn? (Mis. 7:7; Lik. 14:11; Zak. 1:​2, 3)

Afɔtuɛ nga ndɛ sɔ’n man wɔ’n. Usa ɔ wun kɛ:

• ‘?E mɔ e ti Zezi i sɔnnzɔnfuɛ’n, wafa sɛ yɛ sran’m be kwla bu e lufle-ɔ?’—Lik. 21:​12, 16, 17; Ebr. 10:​33, 34.

• ‘?Wafa sɛ yɛ n kwla buabua min wun dɔ nga su naan sɛ be bu min lufle’n, m’an kwla tra min awlɛn-ɔn?’ (Jue. 62:​7, 8; 105:​17-19; w19.07 2-7)