Flan ndɛ cinnjin’m be nun

?Blɛ wie nun’n, kɛ a suan like’n ɔ wla fi su ndɛndɛ? Ɔ yo e kwlaa e sɔ cɛn kunngun. ?Sanngɛ ngue yɛ ɔ kwla uka wɔ-ɔ? Flan ndɛ cinnjin’m be nun.

Kɛ á súan like’n, jran kan naan bu ndɛ cinnjin’m be su akunndan. Akoto Pɔlu ukali be ng’ɔ klɛli be fluwa’n naan b’a kwla yo sɔ. I sɔ yolɛ’n nun’n, ɔ seli be kɛ: “Ndɛ nga e su kan’n i cinnjin lika’n yɛ.” (Ebr. 8:1) Ɔ kannin sɔ naan b’a kwla wun ndɛ ng’ɔ kan’n i wlɛ, naan kusu b’a wun wafa nga ndɛ ng’ɔ kan be’n be sasa be wiengu su’n.

Kɛ á súan like’n, a kwla jranjran kanngan kpɛkun a fa miniti blu kun bu like nga a su suan’n i su akunndan. Sɛ ɔ wla kpɛnman like nga a suannin’n su’n, fa ɔ ɲin sie i ndɛ ce mun, ɔ nin ndɛ kpɔlɛ’m be ndɛ ɲanman cinnjin’m be su. Kpɛ sunman’n ndɛ kpɔlɛ kun i ndɛ ɲanman klikli’n i nun yɛ ndɛ cinnjinfuɛ’n o-ɔ. Sɛ a yo sɔ’n, i sɔ’n úka wɔ naan ɔ wla w’a kpɛn like nga a suannin’n su. Sɛ a suan like uflɛuflɛ kun’n, bu wafa nga a kwla yiyi nun kle sran kun’n i akunndan. Sɛ a jran kan naan a bu ndɛ cinnjin’m be akunndan’n, ɔ́ wlá kpɛ́n like nga a suannin’n su. Kpɛkun á wún wafa nga a kwla nanti ndɛ sɔ’m be su’n i wlɛ weiin.