Zoova i Lalofuɛ mun nin Zifu kaka nga be kunnin be’n—?I su ndɛ benin yɛ Biblu’n kan-ɔn?

Afuɛ 2023, Zanvie i le 27 su’n, sran kaka bé yó aɲia bé fá klé kɛ be wla kpɛn kunlɛ mɔ be kunnin Zifu kaka’n i su. Ɲrɛnnɛn sa sɔ mɔ be yoli be i afuɛ 75 tra su yɛ’n ti’n, atrɛkpa’n a usa ɔ wun kɛ ngue ti yɛ Ɲanmiɛn kplinnin su kɛ i sɔ sa liɛ’n ju-ɔ.

• Sɛ ɔ waan á sí i su ndɛ nga Biblu’n kan’n, kanngan ndɛ “Pourquoi la Shoah a-t-elle eu lieu ? Pourquoi Dieu n’a-t-il rien fait ?” i nun.

Blɛ sɔ’n nun’n, Zifu’m be wunnin ɲrɛnnɛn dan. Awa kun fɛli i ɲin cili be ti’n, ɔ kunnin be nun miliɔn kpanngban kpa. Sran akpasua uflɛ mɔ be timan Zifu bɔbɔ’n, be wunnin be ɲrun wie yɛ be kunnin be nun wie mun. Be nun wie yɛle Zoova i Lalofuɛ mun. Be liɛ’n, Ɲanmiɛn su mɔ be lafi’n ti yɛ be kleli be ɲrɛnnɛn-ɔn.

• Sɛ ɔ waan á sí nun kpa ekun’n, kanngan ndɛ “Qu’est-il arrivé aux Témoins de Jéhovah sous le régime nazi ?” i nun.

‘E ɲrun lɔ’n yó kpa yɛ e wla gúa ase’

Sran kpanngban be bu i kɛ sa ng’ɔ juli Zifu’m be su’n kwla ju ekun andɛ. Sanngɛ ng’ɔ yo e fɛ’n yɛle kɛ Biblu’n se kɛ e ɲrun lɔ’n yó kpa naan ɲrɛnnɛn sa kɛ ngalɛ’n sa’m be su juman kun.

• “Zoova waan yoo: ‘Amun wun akunndan nga n bu’n, min bɔbɔ yɛ n si i kpa-ɔ. Fɔundi yɛ n kunndɛ kɛ amun di-ɔ, n kunndɛman kɛ amun wun ɲrɛnnɛn. N kunndɛ kɛ amun ɲrun lɔ’n yo kpa naan amun wla gua ase.’”—Zeremin 29:11.a

Kɛ Ɲanmiɛn Zoova wá núnnún sa tɛ’n nin i sin sa’m be kwlaa’n yɛ ndɛ sɔ’n wá kpɛ́n su-ɔ. Ɔ ka kan’n:

• Ɔ́ núnnún be nga be yo be wiengu’m be tɛtɛ’n.—Ɲanndra Mun 2:22.

• Ɔ́ yó be kwlaa nga be wunnin be ɲrun’n be ye.—Sa Nglo Yilɛ 21:4.

• Ɔ́ cɛ́n be nga be wuli’n asiɛ’n su wa.—Zan 5:28, 29.

A kwla lafi ndɛ sɔ mɔ Biblu’n kan’n m’ɔ cici e wla’n i su. Sɛ a kunndɛ kɛ á sí like ti’n, é wlá ɔ fanngan kɛ a kplin su kɛ e kle wɔ Biblu’n nun like. A su tuaman like fi.