?Ɲanmiɛn Sielɛ’n yó maan alɛ’m bé wíe?

Andɛ nin andɛ’n, sran’m be te kun alɛ mɛn’n nun. Yɛ alɛ sɔ’m be ti’n sran’m be wun be ɲrun dan. Nian ndɛ nga sran wie’m be kannin’n:

• Anuannzɛ kun seli kɛ: “Afuɛ sin’n, alɛ’m be ti’n sran kaka kpa be wuli. Etiopi nin Ikrɛnin lɔ yɛ ɔ yoli tɛtɛ kpa-ɔ. Kɛ ɔ fɛ i afuɛ 1994 nun lele andɛ’n, alɛ’n ti’n sran’m be nin-a wuman kaka kɛ nga sa le.”—L’Institut de recherche sur la paix d’Oslo, Afuɛ 2023, Zuɛn i le 7.

• Fluwa kun seli kɛ: “Alɛ nga be tɔli afuɛ 2022 nun’n be nun tɛtɛ kpa kun yɛle Ikrɛnin lɔ liɛ’n. Asa’n afuɛ 2022 nun’n, alɛ nga be tɔli mɛn wunmuan’n nun’n be sɔnnin trali afuɛ 2021 nun liɛ’n. Yɛ alɛ sɔ’m be ti’n, sran miliaa kɔe nɲɔn be wunnin be ɲrun.”—The Armed Conflict Location & Event Data Project (ACLED), Afuɛ 2023, Fevrie i le 8.

Ndɛ nga Biblu’n kan’n ɔ cici e wla. Ɔ se kɛ: “Ɲanmiɛn m’ɔ o nglo lɔ’n, ɔ́ táka sielɛ kun mɔ be su nunnunmɛn i le-ɔ.” (Daniɛli 2:44) Sielɛ sɔ’n ti awa kun. Kɛ ɔ́ wá síe asiɛ’n, Ɲanmiɛn yó maan ‘alɛ kunlɛ’n wíe asiɛ wunmuan’n su.’—Jue Mun 46:9.