Zezi wá yó maan alɛ kunlɛ’n wíe

I nun mɔ Zezi o asiɛ’n su wa’n, ɔ kleli kɛ ɔ klo sran mun dan. I kpa bɔbɔ’n, be ti’n ɔ fɛli i nguan’n mannin. (Matie 20:28; Zan 15:13) Ɔ cɛ kan’n, ɔ́ wá klé kɛ ɔ klo sran mun ekun. Yɛle kɛ i m’ɔ ti Ɲanmiɛn Sielɛ’n i su Famiɛn’n, ‘ɔ́ yó maan alɛ kunlɛ’n wíe asiɛ wunmuan’n su.’—Jue Mun 46:9.

Biblu’n kan like nga Zezi wá yó’n i ndɛ. Ɔ se kɛ:

• “Ɔ́ dé yalɛfuɛ m’ɔ kpan kunndɛ ukalɛ’n, ɔ nin sran ng’ɔ leman wie’n nin sran ng’ɔ leman ukafuɛ’n. Ɔ́ sí sran ng’ɔ leman wie’n nin yalɛfuɛ’n be aunnvɔɛ, yɛ ɔ́ dé yalɛfuɛ mun. Ɔ́ dé be be nga be kle be yalɛ’n nin nzaje sa yofuɛ’m be sa nun.”—Jue Mun 72:12-14.

?Wafa sɛ yɛ e kwla kle kɛ e si like nga Zezi yoli’n ɔ nin like ng’ɔ́ wá yó’n i su ye-ɔ? I kun yɛle kɛ ɔ fata kɛ e si “Ɲanmiɛn Sielɛ’n i jasin fɛ’n.” Jasin fɛ sɔ’n yɛ Zezi boli-ɔ. (Liki 4:43) Kanngan ndɛ “?Ngue yɛle Ɲanmiɛn Sielɛ’n?” i nun.