?Wafa sɛ yɛ Zoova i Lalofuɛ’m be bu Ɲanmiɛn sulɛ wafa onga mun-ɔn?

E nanti Biblu’n nun ndɛ mma ng’ɔ se kɛ e ‘bu sran wafa kwlaa be sran’n’ su. Kannzɛ bɔbɔ sran sɔ’m be o Ɲanmiɛn sulɛ wafa uflɛ nun’n, e bu be sran. (1 Piɛli 2:17) I wie yɛle kɛ Zoova i Lalofuɛ akpiakpi kpanngban be o nvle wie’m be nun. Sanngɛ e mianman politikifuɛ mun annzɛ mmla kpɛfuɛ mun kɛ be tanndan Ɲanmiɛn sulɛ wafa uflɛ’m be ɲrun annzɛ be jran be junman nga be di’n. Yɛ kusu e kɔman e seman sran’m be kɛ be yo naan be kpɛ mmla kɛ saan fii sran’m be nanti like nga e lafi su’n i su wie. E klo kɛ sran’m be yaci e diin. I kunngba’n wie yɛ e yo e man be-ɔ.—Matie 7:12.