?Ɲanmiɛn ti sran nsan?

Ndɛ nga Biblu’n kan’n

Asɔnun kaka nun’n, be se sran’m be kɛ Ɲanmiɛn ti sran nsan. Sanngɛ fluwa kun seli kɛ: “Ɲanmiɛn Ndɛ’n i bue ng’ɔ suan Aenguɛ Uflɛ’n i lika wie fi seman kɛ Ɲanmiɛn ti sran nsan. […] Sran’m be bɔbɔ yɛ be kpɛli be ti nun yɛ be kannin sɔ-ɔ. Yɛ kɛ ɔ́ kɔ́ i ɲrun’n, sran’m be fali ndɛ sɔ’n wluli asɔnun’m be nun.” (Encyclopædia Britannica)

Biblu’n i lika wie fi seman kɛ Ɲanmiɛn ti sran nsan. Ndɛ nga Biblu’n kan’n yɛ:

“Zoova ti e Ɲanmiɛn, yɛ Zoova ti kunngba cɛ.”—Mmla’n 6:4.

“Wɔ mɔ ɔ dunman’n yɛle Zoova’n, ɔ kunngba cɛ yɛ a o Like Kwlaa Ti Su asiɛ wunmuan’n su-ɔ.”—Jue Mun 83:18.

“Kɛ ɔ ko yo naan b’a ɲan nguan m’ɔ leman awieliɛ’n, ɔ ti cinnjin kɛ be si wɔ mɔ ɔ kunngba cɛ yɛ a ti Ɲanmiɛn Kpli’n, ɔ nin sran nga a sunmɛnnin i’n mɔ yɛle Zezi Klisi’n.”—Zan 17:3.

“Ɲanmiɛn ti kunngba.”—1 Korɛntifuɛ Mun 8:6.

?Ɔ maan ngue ti yɛ asɔnun’m be nun’n, be se sran’m be kɛ Ɲanmiɛn ti sran nsan yɛ?