Ja ngua lɛ nzɔliɛ

c Fluwa sifuɛ nga be suan Biblu’n su like’n, be seli kɛ sran nnan sɔ’m be tali nda kɛ bé yó Nazirifuɛ. (Kal. 6:1-21) Moizi Mmla mɔ i ti’n, be kwla tɛ i sɔ nda’n, be diman su kun. Sanngɛ kɔlɛ’n, Pɔlu buli i kɛ sɛ be yia nda kun mɔ be tali Zoova’n i nuan’n, ɔ timan tɛ. Ɔ maan, sɛ ɔ tua be ti sika naan ɔ ko sunman be’n, nán sa tɛ yɛ ɔ yoli-ɔ. E siman nda trele nga sran sɔ’m be tali’n. Sanngɛ e si kɛ Pɔlu su manman sika naan be fa to nnɛn mɔ bé fá yí tɛ kɛ nga Nazirifuɛ’m be fa yo’n sa, naan be bu i kɛ tɛ’n sɔ’n yɛ ɔ kwla yo be sanwun-ɔn. Afin kɛ Zezi fɛli i wun yili tɛ’n, nnɛn nga be fa yi tɛ’n kwlá nunnunman sa tɛ mun kun. E siman like trele nga Pɔlu yoli’n. Sanngɛ e kwla lafi su kɛ ɔ su kwlá yoman like wie mɔ i ti’n, i akunndan’n bú i fɔ-ɔ.