Ja ngua lɛ nzɔliɛ

b Ndɛ nga Zezi kannin’n, be kle weiin kɛ wafa nga be kacili ndɛ mma “balɛ’n” Biblu’n wie’m be nun’n, ɔ timan su. Biblu’n wie’m be kacili i kɛ “i balɛ nun,” annzɛ “i sin salɛ nun,” yɛle kɛ blɛ sɔ’n yo kpe kan. Nán maan e wla fi su kɛ, nán blɛ kpe kan mɔ nzue dan’n fa tɔli Nowe blɛ su’n yɛ Zezi fa sunnzunnin blɛ mɔ be wun kɛ ɔ bali naan ɔ o lɛ’n niɔn. Sanngɛ, ɔ seli kɛ blɛ m’ɔ kle kɛ ɔ bali naan ɔ o lɛ’n, ɔ́ yó kɛ ‘Nowe i blɛ su’n sa.’ Yɛle kɛ ɔ cɛli lele fa juli mɛn sɔ’n i awieliɛ. Blɛ nga e wun kɛ Klist bali naan ɔ o lɛ’n, ɔ́ yó kɛ laa blɛ sɔ’n sa. Yɛle kɛ sran’m be ti nga be fa wlɛ be ninnge’m be yolɛ nun’n ti’n, be su sieman be su jasin nga be bo kle be’n i bo.