Ja ngua lɛ nzɔliɛ

a Atrɛkpa’n aniaan kun m’ɔ su Zoova w’a cɛ kpa’n, w’a kan ndɛ nga ɔ ɲrun le: ‘N siman kɛ ń yó oke Satan i mɛn nga nun.’ E kwlakwla e kunndɛ kɛ Zoova nunnun mɛn tɛ nga. I li blɛ kekle nga nun yɛ e kunndɛ kɛ ɔ yo i sɔ kpa’n niɔn. Sanngɛ ɔ fata kɛ e tra e awlɛn e minndɛ. Like suanlɛ nga nun’n, é wá fá e ɲin é síe i Biblu’n nun ndɛ wie mɔ be kwla uka e naan y’a tra e awlɛn y’a minndɛ’n be su. Asa ekun’n, é wá kán sa nɲɔn mɔ be nun’n ɔ fata kɛ e tra e awlɛn e minndɛ Zoova’n be ndɛ. Kpɛkun i agualiɛ su’n, é wá kán ninnge nga Zoova wá fá mán be nga be tra be awlɛn be minndɛ i’n be ndɛ.