2 Be Ɲoliɛ

27 Kɛ Zotamun+ káci famiɛn’n, nn ɔ le afuɛ ablaɔn-nin-nnun (25). Ɔ dili famiɛn afuɛ blu-nin-nsiɛn (16) Zerizalɛmun lɔ. Be flɛ i nin’n kɛ Zerisa, Zadɔku i wa-ɔ.+ 2 Zotamun yoli sa ng’ɔ ti kpa Zoova ɲrun’n titi kɛ i si Oziasi fa yoli’n sa.+ Sanngɛ i liɛ’n, w’a wluman Zoova i sua’n nun.+ Nvlefuɛ’m be liɛ’n, b’a yaciman sa ng’ɔ ti tɛ’n i yolɛ. 3 Ɔ yoli Zoova i sua’n i nglo lɔ anuan’n,+ yɛ ɔ kplannin ninnge kpanngban kan Ofɛli talɛ’n wo lɔ’n.+ 4 Asa ekun’n, ɔ kplannin klɔ wie mun+ Zida okaoka lika’n+ nun lɔ. Yɛ ɔ kplannin fiawlɛ lika mun+ nin sua fleiin mun+ wakawaka lika’m be nun. 5 Ɔ nin Amɔnfuɛ’m be famiɛn’n be kunnin+ lele ɔ kwlali be. Ɔ maan afuɛ sɔ’n nun’n, Amɔnfuɛ’m be mɛnnin i sika talan ya kun (100),* nin ble kɔɔ akpiakpi blu (10.000),* nin ɔɔzu kɔɔ akpiakpi blu (10.000). I afuɛ nɲɔn’n su’n, nin i afuɛ nsan’n su’n, Amɔnfuɛ’m be mɛnnin i ninnge sɔ mun ekun.+ 6 Zotamun i kwlalɛ’n yoli dan titi, afin ɔ fali ajalɛ kɛ ɔ́ nánti Zoova m’ɔ ti i Ɲanmiɛn’n i atin’m be su.

7 Zotamun i su ndɛ’n i onga’n, nin alɛ kwlaa ng’ɔ kunnin be’n, nin ninnge ng’ɔ yoli be’n, be klɛli be Izraɛli Famiɛn mun nin Zida Famiɛn’m be Fluwa’n nun.+ 8 Kɛ ɔ́ káci famiɛn’n, nn ɔ le afuɛ ablaɔn-nin-nnun (25). Ɔ dili famiɛn afuɛ blu-nin-nsiɛn (16) Zerizalɛmun lɔ.+ 9 I sin’n, Zotamun wuli,* be sieli i Davidi Klɔ lɔ.+ Kpɛkun i wa Akazi sinnin i osu kacili famiɛn.+