ƐNTƐNƐTI SU FLUWA SIEWLƐ Watchtower
Watchtower
ƐNTƐNƐTI SU FLUWA SIEWLƐ
Wawle
ɔ
  • á
  • ɛ
  • ɔ
  • ɲ
  • ú
  • έ
  • é
  • ó
  • í
  • ń
  • ɔ́
  • BIBLU
  • FLUWA MUN
  • AƝIA MUN
  • lfb like suanlɛ 12 b. 34
  • Zakɔbu ɲannin aja like’n

Like nga lemɛn i su video

Yaci, like kun ti video'n kwlá boman.

  • Zakɔbu ɲannin aja like’n
  • Biblu’n nun ndɛ’m be kle e like
  • I wunsu like
  • Ezau nin Zakɔbu
    Biblu’n nun ndɛ’m be kpɔlɛ bolɛ fluwa’n
  • Maan e fa ajalɛ kpa naan y’a ɲan e aja like’n
    Sasafuɛ Tranwlɛ’n Bo Zoova i Sielɛ Blɛ’n i jɔ—2013
  • Zakɔbu nin Ezau be siesieli be afiɛn
    Biblu’n nun ndɛ’m be kle e like
  • Zoova ti “Nyanmiɛn b’ɔ maan sran di alaje’n”
    Sasafuɛ Tranwlɛ’n Bo Zoova i Sielɛ Blɛ’n i jɔ—2011
Biblu’n nun ndɛ’m be kle e like
lfb like suanlɛ 12 b. 34
Zakɔbu mannin Ezau i aliɛ talie kun naan w’a kwla ɲɛn i awuliɛ kpɛn’n.

LIKE SUANLƐ 12

Zakɔbu ɲannin aja like’n

Izaaki nin Rebeka nin be wa Zakɔbu nin Ezau.

Kɛ Izaaki ɲannin afuɛ ablanan’n (40), ɔ jali Rebeka. Ɔ klo Rebeka kpa. Kɛ ɔ́ kɔ́ i ɲrun’n, be wa wuli ba yasua nɲɔn. Be ti nda.

Be flɛ kpɛnngbɛn’n kɛ Ezau. Yɛ be flɛ i sinma’n kɛ Zakɔbu. Ezau klo wlanwlanlɛ, yɛ ɔ ti koniɛn difuɛ dan kpa. Sanngɛ Zakɔbu liɛ’n, ɔ fiteman.

Be blɛ su’n, sɛ siɛ kun wu’n, be fɛ i asiɛ’n nin i sika’n i dan lika be man ba kpɛn’n. Be flɛ ninnge sɔ mun kɛ aja like. Izaaki i awlo’n nun’n, aja like’n i wie yɛle like nga Zoova seli kɛ ɔ́ yó mán Abraamun’n. Aja like sɔ’n i ndɛ w’a loman Ezau. Sanngɛ Zakɔbu liɛ’n, ɔ buli i like cinnjin.

Zakɔbu nin Ezau.

Cɛn kun’n, kɛ Ezau fín koniɛn bá’n, w’a fɛ kpa. Kɛ ɔ́ yó sɔ’n, nn Zakɔbu su tɔn aliɛ. Aliɛ sɔ’n bɔn fannin kpa. Yɛ Ezau seli i kɛ: ‘Awe kun min. Man min wɔ aliɛ ng’ɔ blo zoun lɛ’n wie!’ Zakɔbu tɛli i su kɛ: ‘Sɛ a fa ɔ aja like’n man min’n, ń mán ɔ wie.’ Yɛ Ezau waan: ‘?Ń yó aja like’n i sɛ? A kwla fa. Aliɛ yɛ min waan ń dí-ɔ.’ ?Like nga Ezau yoli i lɛ’n ɔ ti kpa? Cɛcɛ. Ɔ timan kpa mlɔnmlɔn. Aja like’n ti cinnjin kpa, sanngɛ Ezau w’a bumɛn i like fi.

Siɛn mɔ Izaaki w’a yo oke’n, ɔ fata kɛ ɔ yrɛ i wa kpɛnngbɛn’n i su. Sanngɛ Rebeka yoli maan Zakɔbu m’ɔ ti kaan’n yɛ Izaaki yrɛli i su-ɔ. Kɛ Ezau wunnin i sɔ’n, ɔ fali ya dan kpa. Yɛ ɔ kunndɛli kɛ ɔ́ kún i niaan’n. Izaaki nin Rebeka be kunndɛ kɛ bé sásá Zakɔbu. I sɔ’n ti’n, be seli i kɛ: ‘Kɔ ko tran ɔ nin i niaan bian Laban i wun lɔ. Sɛ Ezau i ya’n jɔ’n, a ko sa ɔ sin.’ Zakɔbu fali ndɛ nga i si nin i nin be kannin’n su, ɔ wanndili.

“?Sɛ sran kun ɲan mɛn’n nun ninnge’m be ngba, naan sanngɛ ɔ wu’n, nn like yɛ ɔ yoli-ɔ? ?Ngue like yɛ sran kun kwla man fa to i nguan’n niɔn?”—Marki 8:36, 37.

Kosan: ?Sran wafa benin yɛle Ezau? ?Sran wafa benin yɛle Zakɔbu? ?Ngue ti yɛ Zakɔbu yɛ be yrɛli i su-ɔ?

Bo Bolɛ 25:20-34; 27:1–28:5; Ebre Mun 12:16, 17.

    Wawle nun fluwa mun (2000-2025)
    Fin nun fite
    Wlu nun
    • Wawle
    • Fa ko man sran
    • Ɔ klunklo ninnge siesielɛ
    • Copyright © 2025 Watch Tower Bible and Tract Society of Pennsylvania
    • I su junman dilɛ'n i su mmla mun
    • Amun su ndɛ'm be su mmla'n
    • Amun su ndɛ'm be siesielɛ
    • JW.ORG
    • Wlu nun
    Fa ko man sran