2:7; 3:5—?Ngue ti yɛ ‘wannzannin nin flete mun mɔ be o blo lɔ’n’ be dunman nun yɛ be kan ndɛ kle Zerizalɛmu talua mun ɔn? Wannzannin nin flete’m be klanman mɔ be ti’n, i ti ɔ. I kpa bɔbɔ’n, ninnge kwlaa nga be ti klanman’m be dunman nun yɛ talua’n kan ndɛ kle Zerizalɛmu talua’m be kɛ, sɛ klolɛ’n ti sran’n, nn nán maan be tinnge i ka’n niɔn.

2:7; 3:5. Talua’n kloman Salomɔn. Asa ekun’n, ɔ tali Zerizalɛmu talua’m be nda kɛ nán be yo naan ɔ klo sran uflɛ. Naan saan nnɛn kankanfuɛ gbaflɛn’n kunngba cɛ yɛ ɔ klo i ɔ. Be kwlá tɔman sran kun su sa, kpɔkun be waan be klo i naan bé jɛ́ i. I sɔ’n timan kpa mlɔnmlɔn. Klistfuɛ nga be nunman aja’n nun mɔ be kunndɛ kɛ bé já bla annzɛ bian’n, ɔ fata kɛ be kunndɛ sran nga be su Zoova nanwlɛ su’n.—1 Korɛntfuɛ Mun 7:39.