?Wan mun yɛ bé kúnndɛ Ɲanmiɛn i Famiɛn dilɛ’n niɔn? Zezi flɛli sran sɔ’m be kɛ ‘bua akpasua kaan.’ I sɔ’n kle kɛ Ɲanmiɛn sufuɛ kpa sɔ’m b’a sɔnman. Be ti sran akpiakpi ya akpiakpi ablanan-nin-nnan (144.000) cɛ. ?Ngue yɛ Ɲanmiɛn fá yó be mo-ɔ? Zezi seli kɛ: “Amun Si’n fali Famiɛn dilɛ’n wlali amun sa nun.” Sran sɔ’m be su faman asiɛ’n su wa ninnge’m be kunndɛlɛ’n be ciciman be ti. Afin awiefuɛ’m be kwla wua ninnge sɔ mun. Sanngɛ sɛ é kwlá sé’n, ‘bé kúnndɛ ninnge kpakpa mɔ be kwlá wieman le’n, bé síe i ɲanmiɛn su lɔ.’ Lɔ yɛ be nin Klisi bé dí famiɛn’n niɔn.​—Liki 12:32-34.

Zezi seli kɛ be nga be ti “bua akpasua kaan’n,” i nunfuɛ mun yɛ bé dí famiɛn ɲanmiɛn su lɔ-ɔ. (Liki 12:32) Ɔ maan ɔ fataman kɛ sran sɔ’m be fa junman nga bé wá dí’n, be tratra be sa bɛ nun. I sɔ’n ti’n, Zezi seli kɛ ɔ fata kɛ be nga bé dí junman sɔ’n, be nian be wun su kpa.