ƐNTƐNƐTI SU FLUWA SIEWLƐ Watchtower
Watchtower
ƐNTƐNƐTI SU FLUWA SIEWLƐ
Wawle
ɔ
  • á
  • ɛ
  • ɔ
  • ɲ
  • ú
  • έ
  • é
  • ó
  • í
  • ń
  • ɔ́
  • BIBLU
  • FLUWA MUN
  • AƝIA MUN
  • wt ndɛ tre 21 b. 184-191
  • Zoova i klun sa’n kpɛn su klanman

Like nga lemɛn i su video

Yaci, like kun ti video'n kwlá boman.

  • Zoova i klun sa’n kpɛn su klanman
  • Maan e su Ɲanmiɛn Kpli
  • Ndɛ ce mun
  • I wunsu like
  • Zoova yi i sa Izraɛli nvle’n su
  • ‘Ɲanmiɛn su lɔ like’n’ be nun kan bolɛ
  • ‘Asiɛ’n su like’n’ be nun kan bolɛ
  • E ti ɲanlɛ kpa o e ɲrun
  • Ninnge’m be sielɛ kun mɔ maan Ɲanmiɛn klun sa’n kpɛn su’n
    Sasafuɛ Tranwlɛ’n Bo Zoova i Sielɛ Blɛ’n i jɔ—2006
  • Famiɛn Diwlɛ kun ‘m’ɔ su saciman le’n’
    Maan e su Ɲanmiɛn Kpli
Maan e su Ɲanmiɛn Kpli
wt ndɛ tre 21 b. 184-191

Ndɛ tre ablaɔn nin kun

Zoova i klun sa’n kpɛn su klanman

1, 2. (a) ?Ngue yɛ Ɲanmiɛn waan like kwlaa ng’ɔ yili’n m’ɔ bu akunndan’n, ɔ yo ɔ? (b) ?Wan mun yɛ be o be nga Ɲanmiɛn boli be kɛ be su i’n, be nun wie ɔ?

ZOOVA klun sa’n, yɛle kɛ like kwlaa ng’ɔ yili be mɔ be bu akunndan’n, be su i naan be ɲan alaje ng’ɔ nin i mma mun fata’n. Be nga be ti sran kpa’n, like nga be kusu be kunndɛ’n yɛ ɔ o lɛ.

2 Kɛ Zoova boli ninnge’m be yilɛ bo’n, yɛ i klun sa sɔ’n kusu i su kpɛnlɛ’n boli i bo ɔ. Sran nga Zoova dun mmua boli i’n, yɛle i Wa’n. Ba sɔ’n wa wuli kpɛkun Zoova cɛnnin i. Kɛ ɔ yoli sɔ’n, ba sɔ’n ‘maan e wun Ɲanmiɛn m’ɔ yi i wun nglo ɲanɲanɲan’n, yɛ ɔ fa Ɲanmiɛn i wafa kwlaa ng’ɔ ti’n,’ i kpa. (Ebre Mun 1:1-3) Sran uflɛ nin ba sɔ’n sɛman. Afin Ɲanmiɛn kunngba cenje yɛ ɔ yili i ɔ. I sin’n, Ɲanmiɛn nin i Wa sɔ’n yɛ be yili ninnge onga mun ɔn. Be dun mmua yili anzi mun ɲanmiɛn su lɔ. Kpɛkun be wa yili klɔ sran asiɛ’n su wa. (Zɔb 38:7; Lik 3:38) Like kwlaa nga Ɲanmiɛn yili’n, e kwla se kɛ be kwlaa be ti awlobo kunngba nunfuɛ. I nun mɔ Ɲanmiɛn yí be’n, ɔ ti be kwlaa be Ɲanmiɛn. Ɔ ti be kwlaa be Siefuɛ, yɛ ɔ ti be Siɛ m’ɔ klo be’n.

3. (a) ?Ngue aja like yɛ Adam nin Ɛvu be fa mannin e ɔ? (b) ?Yɛ ajalɛ kpa benin yɛ Zoova fɛli i Adam i mma’m be lika ɔ?

3 I nun mɔ Adam nin Ɛvu be bɔbɔ be ɲinfu be fɔnnin Ɲanmiɛn wun mɔ wie’n wluli be nun’n, be fuannin be Edɛni fie’n nun. Kɛ ɔ fin cɛn sɔ nun’n, b’a yoman Ɲanmiɛn mma mun kun. B’a yoman Ɲanmiɛn i awlobo nunfuɛ kun. (Bo Bolɛ 3:22-24; Mmla’n 32:4, 5) E kwlaa e ti Adam nin Ɛvu be afinliɛ nunfuɛ. Ɔ maan, sa tɛ nun yɛ be wuli e ɔ. Sanngɛ Zoova bɔbɔ wunnin i wlɛ kɛ Adam nin Ɛvu be mma’m be nun’n, wie’m bé wá yó sran kpa. I sɔ’n ti’n, Ɲanmiɛn fali ajalɛ naan ‘ɲrun nga Ɲanmiɛn mma’m bé ɲɛ́n i cɛn nga bé ɲán alaje’n, be dunman’n tɛ nun wie.’—Rɔmfuɛ Mun 8:20, 21.

Zoova yi i sa Izraɛli nvle’n su

4. ?Like kpa benin yɛ Zoova fa mannin laa Izraɛli nvle’n niɔn?

4 Kɛ Zoova yili Adam m’ɔ dili afuɛ kɔe 2.500, ɔ fali ajalɛ naan ɔ nin sran wie’m b’a tra aenguɛ. Ɔ kpali Izraɛli nvle’n kɛ ɔ yo i nvle. Ɔ fɛli i mmla mun mannin be. (Bo Bolɛ 12:1, 2) Ɔ fali nvle sɔ naan like nga i waan ɔ́ yó’n, ɔ kpɛn su. (Mmla’n 14:1, 2; Ezai 43:1) Sanngɛ i kwlaa sɔ nun’n, be te yo sa tɛ’n nin wie’n be kanga. Ɔ maan ɲrun nin alaje nga Adam nin Ɛvu be le i klikli nun’n, b’a simɛn i wie.

5. ?Wafa sɛ yɛ Izraɛli nvle’n i ɲrun ng’ɔ le i Ɲanmiɛn ɲrun’n, ɔ sacili ɔ?

5 Sanngɛ ɔ nin i sɔ ngba’n, Ɲanmiɛn bu Izraɛli nvle’n nunfuɛ’m be sran kpa. Like ng’ɔ fata kɛ be yo’n, yɛle kɛ be ɲin yi be Si Zoova yɛ be yo i klun sa’n. Zezi wlali Zuifu’m be fanngan kɛ be yo Ɲanmiɛn i klun sa’n. (Matie 5:43-48) Sanngɛ Izraɛli nvle’n w’a yoman Ɲanmiɛn i klun sa’n w’a guɛmɛn i ti nin i bo. I sɔ’n ti’n, kɛ Zuifu’m be seli kɛ be ‘Si ti kunngba cɛ, naan be Si sɔ’n yɛle Ɲanmiɛn’n,’ Zezi seli be kɛ be ayeliɛ’n nin be klun akunndan’n kleman sɔ mlɔnmlɔn. (Zan 8:41, 44, 47) Afuɛ nga be flɛ i 33 nun Klistfuɛ klikli’m be blɛ su’n, Ɲanmiɛn w’a diman mmla nin aenguɛ ng’ɔ nin be trali’n, be su kun. Ɔ maan, Izraɛli nvle’n w’a yoman Ɲanmiɛn liɛ klonglo kun mlɔnmlɔn. ?I sɔ’n kle kɛ klɔ sran nin Ɲanmiɛn be su kwlá traman aenguɛ kun?

‘Ɲanmiɛn su lɔ like’n’ be nun kan bolɛ

6. Pɔlu kɛnnin i Efɛzfuɛ Mun 1:9, 10 nun kɛ Ɲanmiɛn ‘siesieli ninnge’ wie mun. ?Ngue ti ɔ?

6 Akoto Pɔlu yili i nglo kɛ klɔ sran wie’m be nin Ɲanmiɛn bé wá trá aenguɛ ngunmin kun. Ajalɛ nga Zoova fali naan be nga be lafi i su’n, b’a kaci i awlobo nunfuɛ’n, ɔ kɛnnin i ndɛ. Pɔlu waan: ‘Ɲanmiɛn maan e si i klun sa m’ɔ fiɛli sran’m be ɲrun’n, ɔ nin sa klanman nga i waan Klist yo man e’n. Sa [ninnge siesielɛ] sɔ’n mɔ i waan ɔ́ yó’n, sɛ i cɛn’n ju’n, ɔ́ yó. Sa sɔ’n yɛle kɛ ɔ́ kán sran’m be kwlaa nin asiɛ’n su like’n kwlaa nin ɲanmiɛn su lɔ liɛ’n kwlaa bó nun, yɛ ɔ́ fá Klist síe be su.’ (Efɛzfuɛ Mun 1:9, 10) ‘Ninnge siesielɛ’ sɔ’n, ɔ taka Zezi Klist su. Zezi ti’n, Ɲanmiɛn kwla bu sran’m be sran kpa. Ɔ maan, klɔ sran’m be nun bue kan bé wá kɔ́ ɲanmiɛn su lɔ. Yɛ be nun sunman lika bé wá trán asiɛ’n su wa.

7. ?Wan mun yɛle ‘like nga be o ɲanmiɛn su lɔ’n?’

7 I bo bolɛ’n nun’n, afuɛ nga be flɛ i 33 nun Pantekɔtu nun’n, Ɲanmiɛn fɛli i ɲin sieli i ‘like nga be o ɲanmiɛn’ su lɔ’n be su. Yɛle kɛ ɔ fɛli i ɲin sieli i be nga be nin Klist bé kó dí famiɛn ɲanmiɛn su lɔ, be su. Kɛ mɔ sran sɔ’m be lafi e ti kpɔlɛ tɛ mɔ Zezi yili’n su’n ti’n, Ɲanmiɛn bu be sran kpa. (Rɔmfuɛ Mun 5:1, 2) Kɛ ɔ́ kɔ́ i ɲrun’n, bé kpá Zuifu nin be mɔ be timan Zuifu’n bé síe i ‘like nga be o ɲanmiɛn’ su lɔ’n be nun. Be nga bé kpá be sɔ’n, bé yó sran 144.000. (Galasifuɛ Mun 3:26-29; Sa Nglo Yilɛ 14:1) Kɛ é sé yɛ’n, sran sɔ’m be nun bue kaan sa yɛ be te o asiɛ’n su wa ɔ.

‘Asiɛ’n su like’n’ be nun kan bolɛ

8. ?Wan mun yɛle ‘asiɛ’n su like’n’? ?Yɛ wafa sɛ yɛ be nin Zoova be tran ɔn?

8 Ninnge nga Ɲanmiɛn siesieli’n yɛ maan bé yía ‘asiɛ’n su like’n’ mun ɔn. Dɔ nga su’n, be su yiayia sran akpinngbin asiɛ’n su wa. Sran sɔ’m be liɛ’n be lafi su kɛ bé trán asiɛ’n su wa tititi. Be nin be nga bé kó dí famiɛn ɲanmiɛn su lɔ’n be onga’n, be bo ti kun. Yɛle kɛ be bo Zoova i dunman fɛ yɛ be su i kɛ ng’ɔ nin i fata’n sa likawlɛ. (Ezai 2:2, 3; Sofoni 3:9) Sran kpanngban sɔ’m be kusu be flɛ Zoova kɛ be “Si” wie. Afin, be si kɛ i yɛ nguan’n i bo’n o i sa nun ɔn. Ɲanmiɛn kusu bu be sran kpa. Afin, e ti kpɔlɛ tɛ mɔ Zezi yili’n, be lafi su kpa. (Sa Nglo Yilɛ 7:9, 14) Sanngɛ kɛ mɔ be ti klɔ sran mɔ fɔ’n te o be nun ti’n, sɛ ɔ yo’n yɛ Ɲanmiɛn wá fá be yó i mma mun sakpasakpa ɔ.

9. ?Kasiɛ benin mɔ be boli klɔ sran mun’n, yɛ ɔ o Rɔmfuɛ Mun 8:21 nun ɔn?

9 Be nga bé trán asiɛ’n su wa’n, like nga be lafi su kpa dɔ nga su’n, yɛle blɛ mɔ ‘like kwlaa bé ɲán be ti mɔ be su saciman kun’n.’ (Rɔmfuɛ Mun 8:21) Kɛ Klist nin anzi’m bé wá yó maan ɲrɛnnɛn dan’n wá jú i blɛ cinnjin nun’n, yɛ blɛ sɔ’n bó i bo ɔ. Blɛ sɔ’n yɛle Armagedɔn. Kɛ ɔ́ wá jú’n, bé wá núnnún Satan nin i mɛn tɛ kain nga. I sin’n, Klist i afuɛ akpi famiɛn dilɛ’n wá bó i bo. Kpɛkun Ɲanmiɛn Sielɛ’n wá rá sran’m be su kpa.—Sa Nglo Yilɛ 19:17-21; 20:6.

10. ?Manmanlɛ jue benin yɛ Zoova i sufuɛ’m bé wá tó bé mɛ́nmɛ́n i ɔ?

10 Blɛ sɔ nun’n, Ɲanmiɛn i sufuɛ nga be o asiɛ’n su wa’n, be kwlaa be bo yó kun yɛ ndɛ kunngba nga Ɲanmiɛn sufuɛ nga be o ɲanmiɛn su lɔ’n, bé wá kán’n, bé kán wie. Ɲanmiɛn sufuɛ nga be o ɲanmiɛn su lɔ’n, bé wá sé kɛ: ‘Anannganman Ɲanmiɛn wɔ mɔ a kwla like kwlaa yo’n, sa dandan nga a yo be’n, be ti abonuan! Nvlenvle’m be Famiɛn, a ti nanwlɛfuɛ yɛ a yo sa i nuan su! ?Nannan, wan yɛ ɔ sroman wɔ ɔ? ?Wan yɛ ɔ boman ɔ dunman ɔn? Afin ɔ kunngba cɛ yɛ ɔ nzuɛn’n nin klɔ sran liɛ’n timan kun ɔn. Nvlenvlefuɛ’m be kwlaa bé wá kóto ɔ bo, afin be kwlaa b’a wun kɛ a di jɔlɛ nanwlɛ nun.’ (Sa Nglo Yilɛ 15:3, 4) Nanwlɛ, Zoova i sufuɛ’m be kwlaa be bo wá yó kun bé wá sú i. Be nga be wuli’n bɔbɔ bé wá cɛ́n, yɛ be nun nga be waan bé mánmán Zoova wie’n, bé wá mɛ́nmɛ́n i.—Sa Nga Be Yoli’n 24:15.

E ti ɲanlɛ kpa o e ɲrun

11. ?Be nga bé wá fíte nun ɲrɛnnɛn blɛ dan’n nun’n, aklunjuɛ dan benin yɛ bé wá dí ɔ?

11 Kɛ Armagedɔn m’ɔ ti ɲrɛnnɛn dan’n i blɛ cinnjin kpafuɛ’n wá sín’n, asiɛ’n su sa tɛ’n kwlaa wá wíe. Mmusu’m be si Satan su yoman ‘mɛn nga i min’n’ kun. Fɛfɛlɛ mɔ Zoova i sufuɛ’m be fɛfɛ naan Satan i ayeliɛ tɛ’n w’a saman be’n, ɔ́ wíe. (2 Korɛntfuɛ Mun 4:4; Sa Nglo Yilɛ 20:1, 2) Asa kusu’n, Ɲanmiɛn sulɛ wafa ng’ɔ timan su’n i nunfuɛ’m be su buaman Zoova i su ato kun. Yɛ be su wlawlaman sran mun kun naan b’a kun be wun. Mɛn siefuɛ’m be su diman Ɲanmiɛn i sufuɛ’m be ndɛ kwlɛ kun. Yɛ be su tinman Ɲanmiɛn i sufuɛ’m be su kun kɛ be yo be klun sa’n. Nanwlɛ blɛ sɔ’n wá yó fɛ kpa!

12. ?Wafa sɛ yɛ sran’m be kwlaa bé wá fín sa tɛ’n nin i sin sa’m be nun fíte mlɔnmlɔn ɔn?

12 E ti tɛ mɔ Zezi yili’n ti’n, Ɲanmiɛn wá yáci klɔ sran’m be wun sa tɛ’n cɛ́ be. (Zan 1:29) I nun mɔ Zezi o asiɛ’n su wa’n, kɛ ɔ yaci sran kun i wun sa tɛ’n cɛ i’n, ɔ yo sran sɔ’n i juejue naan ɔ si kɛ ndɛ nanwlɛ yɛ w’a kan ɔn. (Matie 9:1-7; 15:30, 31) I kunngba’n yɛ Zezi wá yó i ekun ɔn. Kɛ é sé yɛ’n, Zezi ti Ɲanmiɛn Sielɛ’n i su famiɛn ɲanmiɛn su lɔ. Ɔ maan kɛ i blɛ’n wá jú’n, ɔ́ wá yó abonuan sa maan be nga be ti aɲinsifuɛ’n, ɔ nin be nga be kwlá ijɔman’n, ɔ nin be nga be timan sa’n bé wá yó juejue. Asa kusu’n, be nga be ti cɛcɛwafuɛ’n, ɔ nin be nga be ti nun w’a sanngan’n, ɔ nin be nga tukpacɛ uflɛ wie o be su’n, be kwlaa bé wá yó juejue wie. (Sa Nglo Yilɛ 21:3, 4) Sran kpa’m be kwlaa be su faman ‘sa tɛfuɛ’n’ su kun. Ɔ maan, be bɔbɔ be klun jɔ́ be klun akunndan’n su yɛ Ɲanmiɛn klun jɔ́ su wie. (Rɔmfuɛ Mun 7:21-23) Kɛ Klist wá wíe i afuɛ akpi famiɛn’n i di’n, fɔ’n wá wíe klɔ sran’m be kwlaa be nun. Ɔ maan, sran’m bé yó kɛ Ɲanmiɛn Kpli ‘bɔbɔ sa cɛ, bé fɛ́ i.’—Bo Bolɛ 1:26.

13. ?Kɛ Klist i afuɛ akpi famiɛn dilɛ wá wíe’n, ngue yɛ ɔ́ wá yó ɔ? ?Yɛ i bo’n gúa sɛ?

13 Kɛ Klist ko yo mɔ fɔ’n ko wie sran’m be nun’n, ɔ́ wá fá kwlalɛ mɔ i Si fa mɛnnin i kɛ ɔ fa di junman’n, ɔ́ fá mɛ́n i Si. Biblu’n waan: ‘I sin kɛ mɛn’n ɔ́ wá wíe’n, Klist wá tú mmusu nin kpɛnngbɛn’m be kwlaa nin bae’n, yɛ ɔ́ fá bia’n mɛ́n i Si Ɲanmiɛn. Afin ɔ́ síe lele saan Ɲanmiɛn maan ɔ́ tíɛ i kpɔfuɛ’m be kwlaa be su.’ (1 Korɛntfuɛ Mun 15:24, 25) Blɛ sɔ nun’n, sa nga ti yɛ Ɲanmiɛn fɛli i Sielɛ’n mannin Klist kɛ ɔ di famiɛn afuɛ lele akpi’n, i kwlaa wá kpɛ́n su. Ɔ maan, Sielɛ sɔ mɔ Zoova siesieli naan w’a uka sran mun’n, ɔ su tranman lɛ kun. Asa kusu’n, kɛ mɔ sa tɛ’n nin wie’n be su tranman lɛ kun’n, mɔ sran’m bé yó Ɲanmiɛn liɛ sakpa’n, Zezi i klɔ sran delɛ junman’n wá wíe. Biblu’n waan: ‘I sin Klist bɔbɔ m’ɔ ti i Wa’n, ɔ́ fɛ́ i wun mɛ́n i kɛ ɔ sie i naan Ɲanmiɛn sie like’n kwlakwlakwla.’—1 Korɛntfuɛ Mun 15:28.

14. ?Ngue like yɛ Zoova wá fá yó sran nga fɔ’n su tranman be nun kun mun ɔn? ?Yɛ ngue ti ɔ?

14 Kɛ i kwlaa sɔ’n wá wíe’n, bé wá nían sɛ klɔ sran mɔ fɔ’n nunman be nun kun’n, be bɔbɔ be klunklo bé wá sú Ɲanmiɛn Kpli tititi o. Afin, ka naan Ɲanmiɛn w’a fa sran mun w’a yo i mma mun sakpasakpa’n, be kwlaa nga fɔ’n nunman be nun kun’n, kasiɛn su’n, Ɲanmiɛn maan bé wá sá be bé nían. I sɔ’n ti’n, bé wá yí Satan nin i mmusu mun kunman mɔ be simɛn i bo’n, i nun fíte. Be nga be klo Zoova sakpa’n, sa tɛ su ɲanman be. Sanngɛ be nga be kloman Zoova mɔ be su nantimɛn i mmla’n su’n, bé núnnún be mlɔnmlɔn. Satan nin i mmusu’m be kusu bé núnnún be wie mlɔnmlɔnmlɔn.—Sa Nglo Yilɛ 20:7-10.

15. ?Kɛ nga Ɲanmiɛn sunnzunnin sa’n, ngue like yɛ ninnge nga Ɲanmiɛn yili be mɔ be bu akunndan’n, bé wá yó i ekun ɔ?

15 Sa nianlɛ kasiɛn sɔ’n nun’n, be kwlaa nga bé súan Zoova i Sielɛ’n i bo’n, Zoova wá fá be yó i mma mun sakpa. Kɛ ɔ́ wá yó sɔ’n, be nga bé wá súan Zoova i Sielɛ’n i bo’n, ɲrun nga Ɲanmiɛn mma’m bé ɲɛ́n i mɔ bé ɲán alaje’n, be dunman tɛ́ nun wie. Sɛ é kwlá sé’n, bé yó Ɲanmiɛn i awlobo nunfuɛ kpakpa siɛn’n. Ɔ maan, be nga be o ɲanmiɛn su lɔ o, be nga be o asiɛ’n su wa o, be kwlaa be bo wá yó kun ekun, yɛ bé wá sú Ɲanmiɛn Kpli. Kɛ ɔ ko yo sɔ’n, nn Zoova i klun sa’n w’a kpɛn su klanman! ?E kunndɛman kɛ é trán Ɲanmiɛn i mma kwlaa sɔ’m be nun wie? Sɛ e kunndɛ kɛ é trán be nun wie’n, maan e fa ndɛ ng’ɔ o 1 Zan 2:17 nun’n, e sie e klun kpa. I waan: ‘Mɛn’n nin i nun ninnge kwlaa mɔ sran ɲin blo su’n, bé wíe, sanngɛ sran ng’ɔ yo Ɲanmiɛn klun sa’n, ɔ́ ká lɛ tititi.’

I nun flanlɛ

• ?Ka naan Adam nin Ɛvu b’a jaso Ɲanmiɛn wun’n, wafa sɛ yɛ Ɲanmiɛn nin be nga be su i’n, be trannin ɔn?

• ?Ngue yɛ ɔ fata kɛ Ɲanmiɛn i sufuɛ’m be yo ɔ?

• ?Wan mun yɛ bé wá káci Ɲanmiɛn i mma mun ekun ɔn? ?Yɛ wafa sɛ yɛ i sɔ’n nin Zoova m’ɔ klo kɛ like kwlaa bo yo kun be su i’n, be kɔ likawlɛ ɔ?

[Foto i su ndɛ, bue 190]

Sran kpa’m bé wá dí aklunjuɛ asiɛ’n m’ɔ́ wá káci mɛn klanman’n su.

    Wawle nun fluwa mun (2000-2025)
    Fin nun fite
    Wlu nun
    • Wawle
    • Fa ko man sran
    • Ɔ klunklo ninnge siesielɛ
    • Copyright © 2025 Watch Tower Bible and Tract Society of Pennsylvania
    • I su junman dilɛ'n i su mmla mun
    • Amun su ndɛ'm be su mmla'n
    • Amun su ndɛ'm be siesielɛ
    • JW.ORG
    • Wlu nun
    Fa ko man sran