-
?Kɛ be se kɛ e timan mɛn’n nunfuɛ’n i bo’n yɛle benin?A kwla di aklunjɔɛ tititi!—Biblu’n nun like suanlɛ
-
-
2. ?Wafa sɛ yɛ e kwla kle kɛ e timan mɛn’n nunfuɛ-ɔ?
Kɛ Zezi sa’n e yoman politiki. Cɛn kun mɔ Zezi yoli abonuan sa wie mun’n, sran’m be waan bé síe i famiɛn asiɛ’n su wa. Sanngɛ w’a kplinman su. (Zan 6:15) ?Ngue ti yɛ w’a kplinman su-ɔ? Afin i bɔbɔ seli kɛ: “Min Famiɛn Dilɛ’n finman klɔ sran mun.” (Zan 18:36) Kɛ Zezi sa’n, ninnge kpanngban nun’n e kle kɛ e timan mɛn’n nunfuɛ. I wie yɛle kɛ e kunman alɛ. (Kanngan Mise 4:3 nun.) E ɲin yi nvle’n i nzɔliɛ ninnge kɛ flanga sa’n, sanngɛ e manmanman be. (1 Zan 5:21) E jranman politikifuɛ annzɛ politiki anuannzɛ wie fi sin. Ninnge kwlaa sɔ’m be nun’n, e kle kɛ e jran Ɲanmiɛn Sielɛ’n i sin.
-
-
?Kɛ be se kɛ e timan mɛn’n nunfuɛ’n i bo’n yɛle benin?A kwla di aklunjɔɛ tititi!—Biblu’n nun like suanlɛ
-
-
4. Maan akunndan nga a bu’n ɔ nin ɔ ayeliɛ’n be kle kɛ a timan mɛn’n nunfuɛ
An kanngan 1 Zan 5:21 nun. I sin’n, an bo VIDEO’N yɛ an koko kosan yɛ’m be su yalɛ.
?Video’n nun’n, ngue ti yɛ Ayenge w’a fɛmɛn i wun w’a wlaman politiki anuannzɛ wie nun, annzɛ w’a manmanman flanga’n niɔn?
?Kɛ a niɛn i sa’n ajalɛ kpa yɛ ɔ fɛli i lɛ-ɔ?
?Sa benin mun yɛ sɛ y’a nianman e wun su’n, be kwla yo naan y’a fa e wun y’a wla mɛn’n nun ninnge’m be nun-ɔn? An bo VIDEO’N, i sin’n an koko kosan yɛ’m be su yalɛ.
?Kɛ nvlenvle’m be si akplowa ngowa kanlɛ ninnge wie’m be nun’n, wafa sɛ yɛ e kwla kle kɛ e jranman be nun wie fi sin-ɔn?
?Sɛ ajalɛ nga politikifuɛ’m be fa’n ɔ ti e liɛ su annzɛ ɔ timan e liɛ su’n, wafa sɛ yɛ e kwla kle kɛ e jranman be nun wie fi sin-ɔn?
?Wafa sɛ yɛ sɛ y’a nianman e wun su’n ndɛ nga be kɛn i televiziɔn nun, annzɛ zronali’m be nun annzɛ ndɛ nga e wiengu’m be kan’n, ɔ kwla yo naan y’a fa e wun y’a wla politiki nun-ɔn?
?Wafa sɛ yɛ Klisifuɛ kun kwla kle kɛ ɔ timan mɛn’n nunfuɛ-ɔ?
-