Atin nga Ɲanmiɛn kle amun’n, amun fa su!

1. Kan ɔ wun ase su Ɲanmiɛn,

Yɛ yo aklunyefuɛ.

Ɲanmiɛn i ɲrun’n nanti seiin kpa,

Ɔ kwla bo wɔ uflɛ.

Sɛ ɔ waan á fɛ́ i atin’n,

Nán maan be laka ɔ,

Maan i bɔbɔ tra ɔ sa’n nun

Kɛ bakan’m be liɛ’n sa.

2. An yo sanwun be su Ɲanmiɛn,

Nán an yo sa tɛ’n kun.

An mian amun ɲin be yo sran,

I liɛ’n án yóe janvuɛ.

Kpɛkun like kwlaa ng’ɔ ti kpa’n,

Nin ndɛ ng’ɔ ti nanwlɛ’n,

Maan an akunndan’n ɔ tran su,

An lafi Ɲanmiɛn su.

3. Maan an nin Ɲanmiɛn nanti seiin,

I sɔ’n su yo’a ngbɛn le.

Like nga an le’n, an ɲin yi,

Aɲanbeun like ɔ.

Maan an su Ɲanmiɛn aunjuɛ nun,

An mɛnmɛn i titi.

Ɲanmiɛn i Sielɛ Blɛ’n i nun’n,

Amún dí aklunjuɛ.