Jue 32
An jran kekle, nán amun wun usu amun!
1. Akluntitiɛ’n o nvle mun be su kpa.
E ɲrun lɔ sa’m be ti srɛ kun sran mun.
Maan e jran kpa nán e wun usu e,
E su Ɲanmiɛn nanwlɛ su.
(I SU SƆLƐ)
E ngba’n maan e jran kekle.
Maan e wanndi mɛn nga ke!
Maan e klo nanwlɛ’n kpa, yɛ nán e kpɔci i.
2. Ninnge kpanngban be laka sran mɛn’n nun.
Sɛ e fa akunndan’n, é jrán kekle.
Sɛ e bu Zoova i nanwlɛfuɛ’n,
Ɔ́ yó maan é fíte nun.
(I SU SƆLƐ)
E ngba’n maan e jran kekle.
Maan e wanndi mɛn nga ke!
Maan e klo nanwlɛ’n kpa, yɛ nán e kpɔci i.
3. Maan Ɲanmiɛn sulɛ’n fin e awlɛn’n nun.
Maan e sa tran e Min’n i junman’n nun.
E bo jasin fɛ’n, maan e tra nun kpa.
Blɛ ng’ɔ o yɛ’n sín icra’n.
(I SU SƆLƐ)
E ngba’n maan e jran kekle.
Maan e wanndi mɛn nga ke!
Maan e klo nanwlɛ’n kpa, yɛ nán e kpɔci i.
(An nian Lik 21:9; 1 Piɛ. 4:7 nun wie.)