Maan e nin Zoova e nanti cɛn kwlaa

1. E waan é kán e wun ase,

E nin Ɲanmiɛn é nánti cɛn kwlaa.

Ye nga Ɲanmiɛn yo e’n ti dan,

Yɛ be nga be kunndɛ i’n, be wuin!

E ti’n Ɲanmiɛn siesieli naan

Y’a kwla tra i sa’n nun kpa.

Yɛ e fa e wun mɛnnin i.

Zoova sin yɛ e jran ɔn.

2. Sran’m be ndɛ bulɛ blɛ nga nun’n,

Mɔ mɛn nga su kɔ i bue nuan yɛ’n,

Sran mun be kle e yalɛ kpa,

Ɔ maan srɛ’n i ti’n e kwla kpɔnzɔ.

Sanngɛ Zoova sasa e.

E klo kɛ é mɛ́ntɛn i,

Naan y’a kwla su i tititi.

Maan e klo i kpa lelele.

3. Ɲanmiɛn mannin e ukalɛ

I wawɛ’n, i Ndɛ nga be klɛli’n,

Ɔ nin Klistfuɛ’m be asɔnun’n,

Ɔ nin e srɛlɛ’n m’ɔ tie i kpa’n.

Kɛ e nin Zoova é nánti’n,

Ɔ́ yó maan é yó sa seiin,

Naan y’a suan klun ufue yolɛ’n,

Y’a nanti i atin seiin’n su.