Jue 31
E ti Zoova i Lalofuɛ!
1. Sran mun be sɔ amuin mun.
Sanngɛ be si’a Zoova.
Ɔ ti e Ɲanmiɛn Kpli,
Ɔ yi i wun nglo.
Amuin wie fi kwlá siman
E ɲrun lɔ sa ng’ɔ́ wá bá’n.
Amuin’m be fɛ be le’a lalofuɛ,
Afin sran fi su su’a be su.
(I SU SƆLƐ)
E ti Zoova Lalofuɛ.
E bo jasin’n yakpa su.
Zoova liɛ’n i ndɛ’n ɔ kpɛn su.
Sa nga ɔ sunnzun’n fɔnman.
2. E manman Ɲanmiɛn dunman’n,
E yi aɲrunɲan’n i nglo.
E bo Sielɛ jasin’n,
E kɛn juejue su.
Sran wie’m bé kwlá sí Ɲanmiɛn
Mɔ maan be ɲannin be ti’n.
Kɛ bé kɔ́ be ɲrun’n, be nin e ngba
Bé tó jue fá mánmán Zoova.
(I SU SƆLƐ)
E ti Zoova Lalofuɛ.
E bo jasin’n yakpa su.
Zoova liɛ’n i ndɛ’n ɔ kpɛn su.
Sa nga ɔ sunnzun’n fɔnman.
3. E manman Zoova dunman’n,
E klo’a kɛ sran yoe finfin.
Ɲanmiɛn wun sacifuɛ’n,
Maan e kan kle i.
Sran nga ɔ kaci i nzuɛn’n,
Ɔ yaci i tɛ’n cɛ i.
Jasin fɛ’n bolɛ’n man aklunjuɛ.
Ɔ nin nguan m’ɔ le’a awieliɛ’n.
(I SU SƆLƐ)
E ti Zoova Lalofuɛ.
E bo jasin’n yakpa su.
Zoova liɛ’n i ndɛ’n ɔ kpɛn su.
Sa nga ɔ sunnzun’n fɔnman.
(An nian Eza. 37:19; 55:11; Eze. 3:19 nun wie.)