Awlɛn tralɛ

1. E Si Ɲanmiɛn Zoova,

Nanwlɛ, i dunman’n ɔ kloe kpa.

Be sacili i dunman’n.

Ɔ klo kɛ ɔ́ yó i sanwun.

Blɛ kwlaa nun’n, E Si Ɲanmiɛn

W’a trɛ i awlɛn wie pɛ.

Yɛ w’a guɛ i wla ase,

W’a kleman kɛ w’a fɛ.

Like ng’ɔ klo’n yɛle kɛ

Ɔ́ dé sran wafawafa kwlaa.

Ɲanmiɛn i awlɛn tralɛ’n

Ɔ su kaman ngbɛn sa le.

2. Awlɛn tralɛ’n ti cinnjin

Naan y’a fa Ɲanmiɛn i mmla’n su.

Ɔ yo maan e klun jɔ fɔuun,

Ɔ sasa e sa tɛ’n i wun.

Sa kpa nga sran yo’n ɔ wuin,

Ɔ bu i kɛ bé yó kpa.

Awlabɔɛ nun bɔbɔ sa’n

Ɔ yo maan e jran kpa.

Sa kpakpa nga mɔ Ɲanmiɛn

I wawɛ’n maan e kwla yo’n nun’n,

Awlɛn tralɛ’n úka e

Naan y’a sɔnnzɔn e Si Ɲanmiɛn.