Lika’n i kpajalɛ’n w’a uka su

1. Ɲanmiɛn nuan ijɔfuɛ’m be waan bé sí Klist,

I m’ɔ cici ɲrɛnnɛnfuɛ’m be wla’n.

Ɲanmiɛn wawɛ’n yi i nglo kɛ Mɛsi’n bá,

Ɔ́ wá yó naan sran’m be ɲan be ti.

Blɛ sɔ’n w’a ju siɛn’n, Mɛsi su di famiɛn,

Mɛsi balɛ’n i nzɔliɛ’n yɛ.

I sɔ sa’n mɔ e si be’n ɔ yo e fɛ,

Anzi’m be waan bé sí sa sɔ’n wie!

2. Zezi sie i junman difuɛ nanwlɛfuɛ’n,

Ɔ sin i ja nun man e aliɛ.

Nanwlɛ ndɛ’n i kannin’n w’a kpaja kpa siɛn’n,

Ɔ wluwlu e wunnɛn’n i ngba’n nun.

Kɛ atin’n ti weiin mɔ e ja’n taka kpa’n,

Wia klengle kpa nun’n, e nanti.

Nanwlɛ’n fin Zoova ti’n asenna ti liɛ,

É tú e klun nánti i mmla’n su.