Ɲanmiɛn i fluwa’n ti like kpa dan

1. Fluwa kun o lɛ’n, ndɛ nga be klɛli nun’n,

Maan klɔ sran’m be kwla di aklunjuɛ kpa.

I nun ndɛ’n leman wunsu, ɔ le ta kpa.

Ɔ man nguan, ɔ tike sran mun be ɲin’n.

Fluwa sɔ’n m’ɔ fin Ɲanmiɛn’n yɛle Biblu’n.

Ɲanmiɛn yɛ maan sran’m be klɛli ndɛ’n niɔn.

Sran sɔ mɔ be klo be Ɲanmiɛn Zoova kpa’n,

I wawɛ’n maan be kwla ɲannin wunmiɛn.

2. Be kan ninnge nga Ɲanmiɛn yili’n be ndɛ

Kɛ i wunmiɛn’n ti yɛ mɛn’n o lɛ ɔ.

Be kannin kɛ laa’n fɔ nunman klɔ sran’n nun,

Sanngɛ i mɛn klanman’n ɔ wa mlinnin.

I sin’n, be wa kannin anzi kun i ndɛ.

Ɔ jasoli Ɲanmiɛn i Sielɛ’n wun.

Ɔ maan, sran’n i sa tɛ’n ti’n e wun ɲrɛnnɛn.

Sanngɛ ɔ ka kaan sa’n Zoova wá kwlá.

3. Andɛ’n aklunjuɛ nga e di’n ɔ wieman.

Klist di Ɲanmiɛn Sielɛ’n nun famiɛn’n siɛn’n.

Be nga be bo ti kun mɔ be su Zoova’n,

Be delɛ cɛn’n yɛ w’a ju andɛ yɛ.

Ndɛ fɛ sɔ’m be o Ɲanmiɛn i fluwa’n nun,

Maan e fa aliɛ fɛfɛ sɔ’n e di.

Fɔundi ng’ɔ man sran’n, ɔ lemɛn i wunsu,

Maan sran kwlakwla nian fluwa sɔ’n i nun.