E aklunjuɛ’n i bo’n

1. E aklunjuɛ’n i bo’n sɔnnin kpa.

Awunɲan ninnge kpa mun ɔn.

Nvle’m be bo ninnge kpakpa mun

Bé úka e su asiɛ’n su.

E aklunjuɛ’n i bo’n wla ase.

Ɔ tra ndin kpa Ɲanmiɛn Ndɛ’n nun.

E nian Ɲanmiɛn Ndɛ’n nun cɛn kwlaa.

I ti’n e lafi Ɲanmiɛn su.

E aklunjuɛ’n i bo’n wali kpa.

Ɔ ti sin e awlɛn’n nun lɔ.

Kannzɛ bɔɔ afɛ’n o e su sɛ’n,

Zoova maan e jran kekle.

2. Ɔ yi nglo yɛ jenvie’n nin asiɛ’n,

Ninnge sɔ’m be nianlɛ’n yo fɛ.

E nian ninnge ng’ɔ yi be’n lele,

I junman’n ti be bo ndɛ kpa.

E tu e klun e bo jasin fɛ’n,

Ɔ ti Ɲanmiɛn Sielɛ jasin’n.

I takalɛ’n nin i su ye’n ndɛ’n,

Aunjuɛ su, e kɛn lika kwlaa.

Kɛ wafa nga lika’n sán’n m’ɔ́ cɛ́n’n,

Anannganman aklunjuɛ’n ba.

Asiɛ’n nin ɲanmiɛn su lɔ uflɛ’n

Be ti’n é dí aklunjuɛ dan.