E niaan kpanngban kpa mun

1. E niaan sunman kpa’m be o lɛ,

E wun koko kpa lɛ.

Be kwlakwla be di lalo,

Be ka atin seiin su.

Be ti sran kpanngban sakpa,

Nanwlɛ, be sɔnnin kpa.

Jue nga be to i nvle kwlaa nun’n,

Ɔ manman Ɲanmiɛn kpa.

2. E niaan sunman kpa’m be o lɛ,

Be bo jasin mɛn’n nun.

Naan sran kpanngban b’a ti wie,

‘E kan sran delɛ’n ndɛ.’

Kannzɛ é wún ɲrɛnnɛn sɛ’n,

E yaci’a jasin fɛ’n.

Zezi fɔnvɔ be nga b’a fɛ kpa’n,

Maan be wla gua ase.

3. E niaan sunman kpa’m be o lɛ,

Ɲanmiɛn ɲin o e su.

Zoova i suwlɛ sua’n nun’n,

Yɛ e sui titi ɔ.

E ti sran kpanngban sakpa

E bo Sielɛ jasin’n.

Y’a kaci Ɲanmiɛn junman difuɛ

Asiɛ’n su wa kpa siɛn’n.