Jue 127
Lika kun mɔ ɔ dunman’n o su’n
1. Kɛ ɔ dunman’n ti e kplan sua kun’n,
Zoova, e cenjele’n ti dan!
Aklunjuɛ su, e su fa man wɔ
Naan wɔ aɲrunɲan’n fu ekun.
Like kwlakwla nga e fa man wɔ’n,
Be dun mmua be ti ɔ liɛ laa.
E junman o, e ninnge mun o,
E tu e klun e fa man wɔ.
(I SU SƆLƐ)
Maan e fa lika nga man wɔ,
Maan wa’n be si ɔ dunman’n.
Sua nga ɔ o yɛ’n ti ɔ liɛ.
Ɔ li yaci, sɔ nun kpa.
2. Siɛ kpa, maan e yi wɔ ayɛ wie,
Maan ɔ ayɛ yilɛ’n tru kpa.
Maan be nga mɔ bé wá súan ɔ mmla’n
Be ti’n, ɔ aɲrunɲan’n fu kpa.
Lika nga, ɔ ti ɔ suwlɛ’n ti
E fa kanman ngowa mlɔnmlɔn.
Maan ɔ yo kɛ e lalofuɛ sa,
Naan ɔ suan jasin fɛ’n i bo.
(I SU SƆLƐ)
Maan e fa lika nga man wɔ,
Maan wa’n be si ɔ dunman’n.
Sua nga ɔ o yɛ’n ti ɔ liɛ.
Ɔ li yaci, sɔ nun kpa.
(An nian 1 Fam. 8:18, 27; 1 Nyo. 29:11-14; Yol. 20:24 nun wie.)