Biblu’n nun yalɛ kokolɛ su ndɛ mun
(Biblu’n nun ndɛ mma’m be fin Nyanmiɛn Ndɛ’n nun)
1. Afuɛ 1914
A. Afuɛ 1914 nun’n, be mɔ be timan Zuifu’m be blɛ’n wieli
Afuɛ 607 nun’n, Davidi i osu nunfuɛ mun b’a diman famiɛn kun. Eze 21:30-32
“Afuɛ nso” sín ka naan b’a di famiɛn’n ekun. Da 4:29, 13, 14
Nso = 2 × afuɛ 3 1/2, annzɛ 2 × cɛn 1.260. Ng 12:6, 14; 11:2, 3
Cɛn kun ti afuɛ kun. [Yɛle kɛ afuɛ 2.520] Eze 4:6; Ka 14:34
Ɔ́ cɛ́ lele saan Ɲanmiɛn Sielɛ’n w’a taka. Lk 21:24; Da 7:13, 14
2. Aja’n
A. Ɔ fata kɛ e bu aja’n i like dan
Ɔ fata kɛ ɔ yo kɛ Klist nin i yi’n be liɛ’n sa. Ef 5:22, 23
Nán maan be nga be o aja’n nun be yo sa sukusuku. Eb 13:4
Biblu’n man be nga be o aja’n nun’n be afɔtuɛ kɛ nán be titi nun. 1Ko 7:10-16
Biblu’n waan saan be nun kun w’a kunndɛ sran uflɛ yɛ maan be kwla ra ɔ. Mt 19:9
B. Maan Klistfuɛ’m be ɲin yi sran sielɛ’n i su mmla’n
Ɔ fata kɛ yasua’n sie i yi’n klolɛ su, ɔ niɛn i awlobo’n i lika. Ef 5:23-31
Ɔ fata kɛ bla’n klo i wun’n, ɔ bu i sran. 1P 3:1-7; Ef 5:22
Ɔ fata kɛ ba’m be ɲin yi be si nin be nin. Ef 6:1-3; Kol 3:20
C. Klistfuɛ’m be junman nga be le i be mma’m be lika’n
Ɔ fata kɛ be nin be tran, be nian be lika klolɛ su. Tit 2:4
Nán be yo be like ng’ɔ kun be ya’n. Kol 3:21
Be nian be lika, be kle be Ɲanmiɛn ndɛ’n wie. 2Ko 12:14; 1Ti 5:8
Be kle be ngwlɛlɛ. Ef 6:4; Nya 22:6, 15; 23:13, 14
D. Ɔ fata kɛ Klistfuɛ’m be ja be wiengu Klistfuɛ
Maan aja sɔ’n yo “e Min’n klun su.” 1Ko 7:39; Mml 7:3, 4; Ne 13:26
E. Klistfuɛ’m be jaman bla nda
I bobolɛ nun’n, bla kunngba cɛ yɛ ɔ fata kɛ yasua’n ja ɔ. Bo 2:18, 22-25
Zezi kannin ndɛ kunngba sɔ’n kleli Klistfuɛ mun. Mt 19:3-9
Klistfuɛ klikli’m b’a jaman bla nda. 1Ko 7:2, 12-16; Ef 5:28-31
3. Armagedɔn
A. Ɲanmiɛn i alɛ’n ng’ɔ́ fá núnnún klunwi yolɛ’n
Nvlenvle’m be yiali Armagedɔn’n nun lɔ. Ng 16:14, 16
Ɲanmiɛn fɛ i Wa’n nin i anzi mun naan ɔ nin be kun. 2Tɛ 1:6-9; Ng 19:11-16
Wafa nga e kwla fite nun’n. So 2:2, 3; Ng 7:14
B. Alɛ sɔ’n kleman kɛ Ɲanmiɛn timan sran klofuɛ
Mɛn’n w’a saci tɛ kpa. 2Ti 3:1-5
Ɲanmiɛn trɛ i awlɛn, sanngɛ i sa nuan su yolɛ’n ti’n, ɔ fata kɛ ɔ yi i wun nglo. 2P 3:9, 15; Lk 18:7, 8
Ɔ fata kɛ klunwifuɛ’m be jaso lɛ naan klun ufuefuɛ’m be ɲan be ti. Nya 21:18; Ng 11:18
4. Asiɛ’n
A. Like nga Ɲanmiɛn waan ɔ́ yó i asiɛ’n su’n
Ɲanmiɛn boli mɛn klanman’n naan sran mɔ fɔ nunman be nun’n, be tran nun. Bo 1:28; 2:8-15
Ɲanmiɛn i ndɛ ng’ɔ ko kan’n nn w’a kan. Eza 55:11; 46:10, 11
Klɔ sran mɔ fɔ nunman be nun’n yɛ bé trán asiɛ’n su ɔ. Ju 72:7; Eza 45:18; 9:5, 6
Ɲanmiɛn Sielɛ’n ti’n, asiɛ’n wá yó lika klanman kpa ekun. Mt 6:9, 10; Ng 21:3-5
B. Be su nunnunman asiɛ’n le yɛ sran’m bé trán su tititi
Asiɛ’n nga e o su yɛ’n ká lɛ tititi. Ak 1:4; Ju 104:5
Nowe blɛ su’n, nán asiɛ’n yɛ be nunnunnin i ɔ. Klɔ sran mun ɔn. 2P 3:5-7; Bo 7:23
I sɔ’n kle kɛ sran wie’m be kwla fite nun. Mt 24:37-39
Bé núnkun klunwifuɛ mun. Kpɛkun ‘sran kpanngban kpa’m’ bé fíte nun. 2Tɛ 1:6-9; Ng 7:9, 14
5. Asɔnun
A. Klist su yɛ asɔnun’n taka ɔ
Ɲanmiɛn tranman sua mɔ sran kplannin’n nun. Yo 17:24, 25; 7:48
Asɔnun’n ti Ɲanmiɛn i sua, ɔ fali sran mɔ be ti kɛ yɛbuɛ m’ɔ o lɛ titi’n sa’n yɛ ɔ kplannin ɔn. 1P 2:5, 6
Klist yɛ ɔ ti yɛbuɛ kpa m’ɔ tra sua sɔ’n i cɔnjɔ’n i ase’n niɔn. Yɛ i akoto’m be ti kɛ sua mɔ be fa tɛkɛ i bo nga be wlɛli i ase’n i su’n sa. Ef 2:20
Ɔ fata kɛ e su Ɲanmiɛn akunndan nun, yɛ nanwlɛ nun. Zn 4:24
B. Nán Piɛli su yɛ asɔnun’n taka ɔ
Zezi w’a seman kɛ Piɛli su yɛ asɔnun’n taka ɔ. Mt 16:18
Zezi yɛ ɔ ti ‘yɛbuɛ’n’ niɔn. 1Ko 10:4
Piɛli seli kɛ Zezi yɛ ɔ ti yɛbuɛ kpa m’ɔ tra sua’n i bo ase’n niɔn. 1P 2:4, 6-8; Yo 4:8-12
6. Atre nsan
A. E Si Ɲanmiɛn ti kunngba, like fi nunmɛn i sin
Ɲanmiɛn timan atre nsan. Mml 6:4; Ml 2:10; Mr 10:18; Ef 4:6
Ɲanmiɛn kunngba yɛ ɔ o lɛ titi ɔ. Ɔ yili Ba’n. Kol 1:15; Eza 44:6
Ɲanmiɛn ti mɛn wunmuan’n i siefuɛ tititi. Fil 2:5, 6; Da 4:32
Ɔ fata kɛ Ɲanmiɛn ɲan ɲrun tra like kwlaa. Fil 2:10, 11
B. Ka naan Ba’n w’a ba asiɛ’n su wa’n, yɛ kɛ ɔ sɛli i sin’n, Siɛ’n le ɲrun trɛ i
Kɛ Ba’n o ɲanmiɛn su lɔ’n i ɲin yi Siɛ’n. Siɛ’n yɛ ɔ sunmɛnnin i ɔ. Zn 8:42; 12:49
Kɛ ɔ bali asiɛ’n su’n, ɔ yoli aɲinyiɛfuɛ. Siɛ’n le ɲrun tra Ba’n. Zn 14:28; 5:19; Eb 5:8
Ɔ ɲannin ɲrun ɲanmiɛn su lɔ. Sanngɛ i ɲin yi Siɛ’n titi. Fil 2:9; 1Ko 15:28; Mt 20:23
Zoova sie Klist yɛ ɔ ti i Ɲanmiɛn. 1Ko 11:3; Zn 20:17; Ng 1:6
C. Ɲanmiɛn nin Klist be sran wunmuan mɔ be ti’n
Be ti be wun aniɛn titi. Zn 8:28, 29; 14:10
Be ti kun kɛ yasua kun nin i yi be ti kun’n sa. Zn 10:30; Mt 19:4-6
Ɔ fata kɛ be kwlaa nga be lafi Klist su’n be yo sran wunmuan wie. Zn 17:20-22; 1Ko 1:10
Zoova kunngba cɛ yɛ e su i ɔ. Yɛ e sin Klist ja su. Zn 4:23, 24
D. Ɲanmiɛn i wawɛ’n yɛle i wunmiɛn ng’ɔ fa yo ninnge mun’n
Ɔ ti i wunmiɛn, nán sran ɔn. Mt 3:16; Zn 20:22; Yo 2:4, 17, 33
Nán sran yɛ ɔ nin Ɲanmiɛn nin Zezi be o ɲanmiɛn su lɔ ɔ. Yo 7:55, 56; Ng 7:10
Ɲanmiɛn fa yo i klun sa’n. Ju 104:30; 1Ko 12:4-11
Ɲanmiɛn fa man be nga be su i’n, yɛ ɔ fa kle be atin. 1Ko 2:12, 13; Ga 5:16
7. Bae dilɛ
A. Ɔ fata kɛ e si kɛ bae dilɛ’n ti mmusu’m be like
Ɲanmiɛn Ndɛ’n tannin e i sɔ ninnge’m be yolɛ. Eza 8:19, 20; Sau 19:31; 20:6, 27
Wunnzue yilɛ’n ti bae dilɛ. Ɲanmiɛn bu i fɔ. Yo 16:16-18
I agualiɛ’n yɛle wie’n. Ga 5:19-21; Ng 21:8; 22:15
Ɲanmiɛn bu nglo lɔ ninnge’m be nianlɛ’n i fɔ. Mml 18:10-12; Ze 10:2
8. Batɛmu yolɛ
A. Batɛmu yolɛ’n ti Klistfuɛ mmla
Zezi kleli ajalɛ’n. Mt 3:13-15; Eb 10:7
Ɔ ti be wun klɛnlɛ annzɛ be wun Ɲanmiɛn fa manlɛ’n i nzɔliɛ. Mt 16:24; 1P 3:21
Be nga be ɲin w’a ti mɔ be kwla kle be like’n be ngunmin cɛ be liɛ ɔ. Mt 28:19, 20; Yo 2:41
Sran’n i nzue nun wlalɛ’n yɛ ɔ ti batɛmu yolɛ’n i kpafuɛ’n niɔn. Yo 8:38, 39; Zn 3:23
B. Batɛmu yolɛ’n yiman sran’n i wun sa tɛ’n
Nán Zezi i wun sa tɛ yilɛ ti yɛ be yoli i batɛmu’n niɔn. 1P 2:22; 3:18
Zezi i mmoja’n yi be wun sa tɛ’n. 1Zn 1:7
9. Be nannan’m be wunmiɛn’n be sɔlɛ
A. Be nannan’m be wunmiɛn’n be sɔlɛ’n ti ngbɛn
E nannan’m be wuli, be siman sa kun. Ak 9:4-5, 10
Ɔ fataman kɛ e sɔ e nannan klikli mun, Adam nin Ɛvu. Rɔ 5:12, 14; 1Ti 2:14
Ɲanmiɛn tannin i sɔ’n i yolɛ. Tu 34:14; Mt 4:10
B. E kwla bu sran’m be sran, sanngɛ Ɲanmiɛn kunngba cɛ yɛ ɔ fata kɛ e su i ɔ
Ɔ fata kɛ ba kanngan’m be ɲin yi sran kpɛnngbɛn mun. 1Ti 5:1, 2, 17; Ef 6:1-3
Sanngɛ Ɲanmiɛn kunngba cɛ yɛ ɔ fata kɛ e su i ɔ. Yo 10:25, 26; Ng 22:8, 9
10. Be nga be tɔn be wun suɛn kɛ be ti Ɲanmiɛn nuan ijɔfuɛ’n
A. Be dun mmua boli su kɛ sran sɔ’m bé bá. Akoto’m be blɛ su’n nn be o lɛ
Like ng’ɔ kwla uka e naan y’a wun be wlɛ’n. Mml 18:20-22; Lk 6:26
Be dun mmua boli be balɛ’n su. Be aeliɛ’n yɛ be fa wun be wlɛ ɔ. Mt 24:23-26; 7:15-23
11. Be ɲrun tanndanlɛ, yalɛ klelɛ
A. Like nga ti yɛ be kle Klistfuɛ’m be yalɛ’n
Be kpɔli Zezi, ɔ kannin kɛ bé klé e yalɛ. Zn 15:18-20; Mt 10:22
Ɲanmiɛn mmla’n su lafilɛ’n bu mɛn nunfuɛ’m be fɔ. 1P 4:1, 4, 12, 13
Satan m’ɔ ti mɛn nga i siefuɛ’n, ɔ tanndan Ɲanmiɛn Sielɛ’n i ɲrun. 2Ko 4:4; 1P 5:8
Srɛ kunman Klistfuɛ mun, Ɲanmiɛn suan be bo. Rɔ 8:38, 39; Za 4:8
B. Ɔ fataman kɛ bla’m be wun’m be ti’n be kpɔci Ɲanmiɛn
E si sɔ laa. Sran wie’m be kwla bua e su ato. Mt 10:34-38; Yo 28:22
Ɔ fata kɛ ɔ kpɛ i ɲin Ɲanmiɛn nin Zezi be su. Zn 6:68; 17:3
Sɛ ɔ jran kekle’n, i wun’n kusu kwla fite nun. 1Ko 7:16; 1P 3:1-6
Yasua’n sie bla’n, sanngɛ nɛ́n i yɛ ɔ kle i Ɲanmiɛn sulɛ wafa’n niɔn. 1Ko 11:3; Yo 5:29
C. Ɔ fataman kɛ yasua’n i yi’n ti’n ɔ yaci Ɲanmiɛn sulɛ
Ɔ fata kɛ ɔ klo i yi’n nin i awlobo’n, ɔ kunndɛ kɛ be ɲan nguan. 1Ko 7:16
Ajalɛ falɛ’n i bo’n o i sa nun, ɔ nian be lika. 1Ko 11:3; 1Ti 5:8
Ɲanmiɛn klo yasua ng’ɔ trɛ i ndɛ’n nun kpa’n. Za 1:12; 5:10, 11
Sɛ ɔ kunndɛ kɛ ɔ nin i yi be afiɛn’n sɛ ti’n ɔ yo sa ng’ɔ ti tɛ’n, Ɲanmiɛn nin i le i. Eb 10:38
Ɔ́ yó maan i awlofuɛ’m bé dí aklunjuɛ mɛn uflɛ’n nun. Ng 21:3, 4
12. Biblu’n
A. Biblu’n ti Ɲanmiɛn nuan su ndɛ
Ɲanmiɛn i wawɛ’n yɛ maan be klɛli ɔ. 2P 1:20, 21
Ndɛ nga be dun mmua kan be lele naan b’a ju’n, be o nun. Da 8:5, 6, 20-22; Lk 21:5, 6, 20-22; Eza 45:1-4
Ɲanmiɛn yɛ maan be klɛli Biblu’n i nun ndɛ’n kwlaa ɔ, yɛ ɔ yo e wun sa ye. 2Ti 3:16, 17; Rɔ 15:4
B. Ɔ kle e atin andɛ
Sɛ e faman Biblu’n i mmla’m be su’n, i bo’n gua tɛ. Rɔ 1:28-32
Klɔ sran ngwlɛlɛ’n kwlá kacimɛn i. 1Ko 1:21, 25; 1Ti 6:20
Ɔ sasa e, e kpɔfuɛ danfuɛ’n i lika. Ef 6:11, 12, 17
Ɔ kle sran i atin ng’ɔ ti kpa’n. Ju 119:105; 2P 1:19; Nya 3:5, 6
C. Ɔ ti sran wafawafa kwlaa nin nvle fanunfanun kwlaa be liɛ
Moizi yɛ ɔ dun mmua klɛli Biblu’n niɔn. Tu 17:14; 24:12, 16; 34:27
Ɲanmiɛn w’a fa manman blɔfuɛ’m be ngunmin. Rɔ 10:11-13; Ga 3:28
Ɲanmiɛn sɔ sran wafawafa kwlaa nun. Yo 10:34, 35; Rɔ 5:18; Ng 7:9, 10
13. Cɛn dilɛ, awuliɛ cɛn dilɛ
A. Klistfuɛ klikli’m b’a diman awuliɛ cɛn ɔ nin Nowɛli
Sran nga be timan Ɲanmiɛn sufuɛ mun yɛ be dili cɛn sɔ mun ɔn. Bo 40:20; Mt 14:6
Zezi i wie cɛn’n yɛ ɔ nin i fata kɛ e wla kpɛn su ɔ. Lk 22:19, 20; 1Ko 11:25, 26
Sa sukusuku nga be yo i cɛn sɔ’m be bo’n, ɔ timan su. Rɔ 13:13; Ga 5:21; 1P 4:3
14. E o mɛn’n i bue nuan
A. ?Ngue yɛle “mɛn’n i awieliɛ’n”?
Ɔ ti mɛn nga i nunnunlɛ. Mt 24:3; 2P 3:5-7; Mr 13:4
Nán kɛ asiɛ’n núnnún ɔn, sanngɛ klunwifuɛ’m be nunnunlɛ ɔ. 1Zn 2:17
Kɛ e ko ju mɛn’n i bue nuan’n, nn i nunnunlɛ’n su wa ju. Mt 24:14
Sran kpa’m bé fíte nun yɛ bé wlú mɛn uflɛ’n nun. 2P 2:9; Ng 7:14-17
B. Ɔ fata kɛ e ɲin tran nzɔliɛ ninnge nga be kle kɛ e o mɛn’n i bue nuan’n su
E atin klelɛ’n ti’n, Ɲanmiɛn kle e nzɔliɛ ninnge mun. 2Ti 3:1-5; 1Tɛ 5:1-4
Mɛn nunfuɛ’m be bu i kɛ finfin ɔn. 2P 3:3, 4, 7; Mt 24:39
Ɲanmiɛn cuɛncuɛnmɛn i ja ase, sanngɛ ɔ wla e su nun. 2P 3:9
Ɲanmiɛn yó be nga be tran minndɛ’n, be mo. Lk 21:34-36
15. E ti kpɔlɛ tɛ’n
A. Zezi fɛli i wun “kpɔli sran kwlaa be ti”
Zezi fɛli i wun kpɔli sran’m be ti. Mt 20:28
I mmoja’n m’ɔ guɛli i ase ti’n be kwla yaci e wun sa’n cɛ e. Eb 9:14, 22
Ɔ yili tɛ’n kpɛ kunngba, ɔ su yomɛn i kun. Rɔ 6:10; Eb 9:26
Nán sran ngba yɛ ɔ ɲɛn i su mmlusuɛ’n niɔn. Ɔ fata kɛ e si i su ye. Zn 3:16
B. Tɛ sɔ’n ti i nuan su sɛsɛsɛ
I klikli nun’n fɔ nunman Adam nun. Mml 32:4; Ak 7:29; Bo 1:31
I fɔnlɛ’n ti’n fɔ trɛnnin i ɔ nin i mma’m be nun. Rɔ 5:12, 18
I mma’m be leman defuɛ. Sran kɛ Adam sa yɛ ɔ kwla de be ɔ. Ju 49:8; Mml 19:21
Zezi mɔ fɔ nunmɛn i nun’n fɛli i wun kpɔli e ti. 1Ti 2:5, 6; 1P 1:18, 19
16. E ti ɲanlɛ
A. Ɲanmiɛn fali e ti kpɔlɛ tɛ mɔ Zezi yili’n fa deli e
Ɲanmiɛn i Wa’n i dunman nun’n ɔ fali nguan’n cɛli e. 1Zn 4:9, 14; Rɔ 6:23
Saan kɛ Zezi i tɛ ng’ɔ yili’n cɛ ti yɛ e kwla ɲan e ti ɔ. Yo 4:12
Kɛ be la wie bɛ su’n, be kwlá yoman sa kpa kun. Za 2:14, 26
Ɔ fata kɛ e mian e ɲin fii kpa naan y’a ɲan e ti. Lk 13:23, 24; 1Ti 4:10
B. “Kɛ b’a ɲan be ti’n, nn w’a yo mlɔnmlɔn’n,” ɔ nunman Biblu’n nun
Be nga Ɲanmiɛn wawɛ’n o be su’n, be kwla tɔ. Eb 6:4, 6; 1Ko 9:27
Kannzɛ be deli Izraɛlifuɛ kpanngban Ezipti lɔ’n, sanngɛ i sin’n be nunnunnin be. Zi 5
Be ti ɲanlɛ’n timan le kunngba ndɛ. Fil 2:12; 3:12-14; Mt 10:22
Be nga be sa be sin’n be tɛ’n tra laa liɛ’n. 2P 2:20, 21
C. Biblu’n seman kɛ “sran ngba ɲɛ́n i ti”
Wie’m be su kwlá kaciman be nzuɛn’n kun. Eb 6:4-6
Klunwifuɛ’n i wulɛ’n timan Ɲanmiɛn i klun su. Eze 33:11; 18:32
Sanngɛ sran klolɛ’n ti’n, ɔ kwlá bluman sa tɛ yolɛ’n su. Eb 1:9
Bé núnnún klunwifuɛ mun. Eb 10:26-29; Ng 20:7-15
17. E wla kpɛnlɛ cɛn, kɔminiɔn falɛ
A. E Min’n i Aliɛ Cɛn dilɛ’n
Be di i kpɛ kunngba afuɛ nuan kun nun, Delɛ cɛn’n i blɛ nun. Lk 22:1, 17-20; Tu 12:14
E wla kpɛn Klist i tɛ ng’ɔ yili fa kpɔli e ti’n su. 1Ko 11:26; Mt 26:28
Be nga bé kɔ́ ɲanmiɛn su’n, be di nzɔliɛ ninnge mun. Lk 22:29, 30; 12:32, 37
?Ɔ yo sɛ yɛ sran kun si kɛ ɔ ti i sɔfuɛ’n wie ɔ? Rɔ 8:15-17
B. Wafa nga be fa kɔminiɔn andɛ’n ɔ takaman Biblu’n su
Saan bé gúa mmoja ase naan b’a yaci sa tɛ’n b’a cɛ. Eb 9:22
Klist yɛ ɔ ti aenguɛ uflɛ’n i nun jranfuɛ’n niɔn. 1Ti 2:5, 6; Zn 14:6
Klist o ɲanmiɛn su. Mɔnpɛli fɛmɛn i jraman. Yo 3:20, 21
Ɔ fataman kɛ Klist yi tɛ’n ekun. Eb 9:24-26; 10:11-14
18. Jasin fɛ’n i bolɛ
A. Ɔ fata kɛ Klistfuɛ’m be kwlaa be bo jasin fɛ’n
Ɔ fata kɛ e bo Zezi i dunman sran’m be ɲrun naan y’a fite nun. Mt 10:32
Ɔ fata kɛ e fa Ɲanmiɛn Ndɛ’n su, e lafi Ɲanmiɛn su. Za 1:22-24; 2:24
Be nga blɛ yɛ bé bá’n kusu’n, ɔ fata kɛ be kle sran’m be like wie. Mt 28:19, 20
Jasin fɛ’n i bolɛ’n maan e kwla fite nun. Rɔ 10:10
B. Ɔ fataman kɛ e jran sran’m be osu nianlɛ’n, maan e bo jasin fɛ’n titi
Ɔ fata kɛ e bo i jɔ kɛ mɛn’n wíe. Mt 24:14
Zeremi kannin Zerizalɛmu i nunnunlɛ ndɛ’n cɛli. Ze 25:3
Kɛ Klistfuɛ klikli’m be sa’n, e kwlá jranman. Yo 4:18-20; 5:28, 29
C. Ɔ fata kɛ e bo jasin fɛ’n naan y’a ɲanman ndɛ
Ɔ fata kɛ e kan mɛn’n i awieliɛ’n mɔ w’a mantan’n i ndɛ e kle sran mun. Eze 33:7; Mt 24:14
Sɛ y’a yomɛn i sɔ’n é ɲán ndɛ. Eze 33:8, 9; 3:18, 19
Sran’m be mmoja w’a kaman Pɔlu su. Ɔ kannin ndɛ nanwlɛ’n kleli sran kpanngban. Yo 20:26, 27; 1Ko 9:16
E bɔbɔ o, i sran ng’ɔ tie ndɛ’n nin o, é ɲán nguan. 1Ti 4:16; 1Ko 9:22
19. Klist i balɛ’n
A. Klɔ sran’m be su kwlá wunmɛn i
Ɔ seli i sɔnnzɔnfuɛ’m be kɛ mɛn nunfuɛ’m be su wunmɛn i kun. Zn 14:19
I sɔnnzɔnfuɛ’m be ngunmin yɛ be wunnin i fulɛ nun ɔn. Kɛ i balɛ’n wá yó sɔ ɔ. Yo 1:6, 10, 11
Ɔ o ɲanmiɛn su lɔ. Ɔ ti aolia nun sran. Eb 1:3
I balɛ’n yɛle kɛ b’a sie i Famiɛn ɲanmiɛn su lɔ. Da 7:13, 14
B. Ninnge wie mɔ e wun be’n be kle kɛ w’a ba
I sɔnnzɔnfuɛ’m be usɛli i i balɛ’n i nzɔliɛ. Mt 24:3
Sa wlɛ wunlɛ’n yɛ maan Klistfuɛ’m bé sí kɛ w’a ba ɔ. Ef 1:18
Ninnge sunman be kle kɛ w’a ba. Lk 21:10, 11
Kɛ ɔ́ bá i kpɔfuɛ’m be nunnunlɛ’n, yɛ bé wún i wlɛ kɛ w’a ba ɔ. Ng 1:7
20. Klunwi yolɛ, mɛn’n nun sa sroesroe mun
A. Sran nga ti mɔ sa sroesroe o lɛ’n
Kɛ mɔ klunwifuɛ’m be sie’n i ti yɛ afɛ’n o lɛ ɔ. Nya 29:2; 28:28
Sran ng’ɔ sie mɛn’n ti Ɲanmiɛn i kpɔfuɛ. 2Ko 4:4; 1Zn 5:19; Zn 12:31
Ɲrɛnnɛn sa’m be fin mmusu’m be si Satan. Ɔ su cɛman kun. Ng 12:9, 12
Kɛ be ko ci Satan’n, é trán fɔuun nun. Ng 20:1-3; 21:3, 4
B. Like nga ti mɔ Ɲanmiɛn yaci sran mun lɛ mɔ be wun ɲrɛnnɛn’n
Satan sili sran’m be seiin nantilɛ’n i su akplowa. Zb 1:11, 12
Nanwlɛfuɛ’m be kwla kle kɛ be nanti seiin. Rɔ 9:17; Nya 27:11
Be wunnin kɛ Satan bua ato. Bé kpɛ́ ndɛ’n i nun. Zn 12:31
Be nga be yo sa kpa’n bé ɲán anannganman nguan. Rɔ 2:6, 7; Ng 21:3-5
C. Ɲanmiɛn i aunnvuɛ silɛ’n ti yɛ mɛn’n te o lɛ ɔ
Kɛ Nowe blɛ su sa’n, sran’m be jɔ bolɛ’n fa blɛ. Mt 24:14, 37-39
Ɲanmiɛn cuɛncuɛnmɛn i ja ase, ɔ si aunnvuɛ. 2P 3:9; Eza 30:18
Biblu’n uka e naan cɛn sɔ’n w’a fuman e nun. Lk 21:36; 1Tɛ 5:4
Maan e sɔ ninnge nga Ɲanmiɛn fa sasa e’n nun bikisa. Eza 2:2-4; So 2:3
D. Nán klɔ sran mun yɛ bé yó naan ɲrɛnnɛn w’a tu e su ɔ
Srɛ kun sran mun, be wunman be wun fɛ. Lk 21:10, 11; 2Ti 3:1-5
Ɲanmiɛn Sielɛ’n yɛ ɔ́ yó sa ye ɔ, nán sran mun yɛ bé yó ɔ. Da 2:44; Mt 6:10
Kɛ ɔ ko yo naan y’a ɲan nguan’n, maan e nin Famiɛn’n e afiɛn sɛ bikisa. Ju 2:9, 11, 12
21. Mali i sɔlɛ
A. Zezi i nin ɔn, nán “Ɲanmiɛn i nin” ɔn
Ɲanmiɛn ɔ leman bo bolɛ. Ju 90:2; 1Ti 1:17
Mali ti Ɲanmiɛn Wa’n i nin, asiɛ’n su wa. Lk 1:35
B. Mali sili bian
Ɔ jali Zozɛfu. Mt 1:19, 20, 24, 25
Nán Zezi kunngba yɛ ɔ wuli i ɔ, ɔ wuli ba ekun. Mt 13:55, 56; Lk 8:19-21
I klikli nun’n, Zezi i niaan’m be lafimɛn i su. Zn 7:3, 5
22. Mmoja
A. Sran i wun mmoja wlalɛ’n tɔn Ɲanmiɛn mmla’n
Ɲanmiɛn seli Nowe kɛ mmoja’n ti Ɲanmiɛn liɛ, ɔ ti sran’n i nguan. Bo 9:4, 16
Mmla nga Ɲanmiɛn fa mannin Moizi’n i nun’n, ɔ tannin mmoja dilɛ’n. Sau 17:14; 7:26, 27
Be flannin ndɛ kunngba’n nun kleli Klistfuɛ mun. Yo 15:28, 29; 21:25
B. Nán sran’n i delɛ ti yɛ be kwla tɔn Ɲanmiɛn i mmla’n niɔn
Aɲinyiɛ’n flunman tra tɛ yilɛ’n. 1Sa 15:22; Mr 12:33
Sɛ sran kun bu i nguan’n i cinnjin tra Ɲanmiɛn mmla’n, ɔ kwla yo tɛ mɛn i. Mr 8:35, 36
23. Mmusu’m be si Satan ɔ nin mmusu mun
A. Mmusu’m be si Satan ti aolia nun sran
Mmsu’m be si Satan ti aolia nun sran. Nɛ́n i yɛle sa tɛ mɔ sran yo’n. 2Ti 2:26
Mmusu’m be si Satan ti kɛ anzi’m be sa wie. Mt 4:1, 11; Zb 1:6
I konvi tɛ’n ti yɛ ɔ kacili mmusu’m be si Satan’n niɔn. Za 1:13-15
B. Mmusu’m be si Satan yɛ ɔ sie mɛn’n niɔn
Mɛn’n o i sa nun. 2Ko 4:4; 1Zn 5:19; Ng 12:9
Ɔ́ ká lɛ lele naan ndɛ ng’ɔ o lɛ’n i nun kpɛ ka. Tu 9:16; Zn 12:31
Bé fɛ́ i yí i kunman dan nga be simɛn i bo’n nun. Yɛ i sin’n, bé núnnún i. Ng 20:2, 3, 10
C. Anzi ɲin keklefuɛ mun yɛle mmusu mun
Ka naan anannganman su nzue’n w’a tɔ’n, yɛ be suli Satan su ɔ. Bo 6:1, 2
Be toli be yili i kunman dan nga be simɛn i bo’n nun. Be wunman Ɲanmiɛn ninnge’m be wlɛ kun. Zi 6
Be nin Ɲanmiɛn be kun. Be kle klɔ sran’m be yalɛ. Lk 8:27-29; Ng 16:13, 14
Kɛ bé núnnún Satan’n, bé núnnún be wie. Mt 25:41; Lk 8:31; Ng 20:2, 3, 10
24. Nguan’n
A. Aɲinyiɛfuɛ’m bé ɲán anannganman nguan
Ɲanmiɛn m’ɔ buaman ato’n yɛ ɔ boli kasiɛ’n niɔn. Tit 1:2; Zn 10:27, 28
Be nga be lafi Zezi su’n bé ɲán anannganman nguan. Zn 11:25, 26
Ɲanmiɛn núnnún wie’n. 1Ko 15:25, 26; Ng 21:4; 20:14; Eza 25:8
B. Be nga be nin Klist ti sran wunmuan’n be ngunmin yɛ bé kɔ́ ɲanmiɛn su ɔ
Sran nga Ɲanmiɛn klo kɛ ɔ́ fá be’n, yɛ ɔ fa be ɔ. Mt 20:23; 1Ko 12:18
Be fali sran 144.000 cɛ. Be fin asiɛ’n su wa. Ng 14:1, 4; 7:2-4; 5:9, 10
Zan Batɛmu Yofuɛ’n bɔbɔ nunman be nun. Mt 11:11
C. Be nga bé trán asiɛ’n su’n, be siman be nuan, ‘bua’m be wie mun’
Be si be nga be nin Zezi trán ɲanmiɛn su lɔ’n, be nuan. Ng 14:1, 4; 7:2-4
Nán Klist i niaan yɛle ‘bua’m be wie mun.’ Zn 10:16; Mt 25:32, 40
Kɛ é sé yɛ’n, be su yia be nga bé fíte nun’n, be nuan. Ng 7:9, 15-17
Bé cɛ́n sran mun asiɛ’n su wa. Ng 20:12; 21:4
25. ?Ɲanmiɛn dun mmua siesie sa nga be ju e su’n kwlaa?
A. Ɲanmiɛn w’a siesieman sa nga be ju sran kun su’n
Like nga Ɲanmiɛn waan ɔ́ yó’n, saan ɔ́ jú. Eza 55:11; Bo 1:28
Sran kun bɔbɔ kwla kle, sɛ ɔ́ sú Ɲanmiɛn o, annzɛ ɔ́ súmɛn i o. Zn 3:16; Fil 2:12
26. Ɲanmiɛn junman dilɛ
A. Ɔ fata kɛ Klistfuɛ’m be kwlaa be di Ɲanmiɛn junman
Zezi dili Ɲanmiɛn junman. Rɔ 15:8, 9; Mt 20:28
Klistfuɛ’m be fɛ i ajalɛ’n su. 1P 2:21; 1Ko 11:1
Jasin fɛ’n i kanlɛ’n m’ɔ ti e junman’n, ɔ fata kɛ e di. 2Ti 4:2, 5; 1Ko 9:16
B. Like ng’ɔ fata kɛ e yo naan y’a kwla di Ɲanmiɛn junman’n
Ɔ fata kɛ Ɲanmiɛn i wawɛ’n uka e, yɛ e si i Ndɛ’n. 2Ti 2:15; Eza 61:1-3
E bo jasin fɛ’n kɛ Klist sa. 1P 2:21; 2Ti 4:2, 5
Ɲanmiɛn fɛ i wawɛ’n nin i anuannzɛ’n fa kle e atin. Lk 24:49; 2Ko 3:1-3
27. Ɲanmiɛn Sielɛ’n
A. Like nga Ɲanmiɛn Sielɛ’n yó mán klɔ sran mun’n
Ɔ́ yó maan Ɲanmiɛn klun sa’n kpɛ́n su. Mt 6:9, 10; Ju 45:7; Ng 4:11
Ɔ ti awa kun ɔ nin i su famiɛn ɔ nin mmla mun. Eza 9:5, 6; 2:3; Ju 72:1, 8
Ɔ́ núnnún klunwifuɛ mun, yɛ ɔ́ síe asiɛ wunmuan’n. Da 2:44; Ju 72:8
Afuɛ 1.000 blɛ’n nun’n, fɔ’n wíe sran’m be nun, é ɲán mɛn klanman. Ng 21:2-4; 20:6
B. Ɔ́ bó sielɛ’n bo’n nn Klist i kpɔfuɛ’m be te o lɛ
Kɛ Ɲanmiɛn cɛnnin Klist’n, ɔ minndɛli cɛli. Ju 110:1; Eb 10:12, 13
Ɔ ɲannin kwlalɛ, ɔ nin Satan be kunnin. Ju 110:2; Ng 12:7-9; Lk 10:18
I sin’n Ɲanmiɛn Sielɛ’n takali, sa’m be tɔli asiɛ’n su. Ng 12:10, 12
Ɲrɛnnɛn sa’m be kle kɛ ɔ fata kɛ e fa e wun e mantan Ɲanmiɛn Sielɛ’n. Ng 11:15-18
C. Ɔ nunman be ‘awlɛn nun,’ nán klɔ sran mun yɛ be kpɛli i ba ɔ
Famiɛn diwlɛ sɔ’n o ɲanmiɛn su lɔ, ɔ nunman asiɛ’n su wa. 2Ti 4:18; 1Ko 15:50; Ju 11:4
Ɔ nunman ‘be awlɛn nun,’ Zezi su kan ndɛ kle Farizifuɛ mun. Lk 17:20, 21
Ɔ nin mɛn nga nunfuɛ’m be nunman nun. Zn 18:36; Lk 4:5-8; Da 2:44
I awa o, i ninnge nga klɔ sran’m be yoli’n nin o, be su tranman lɛ kun. Da 2:44
28. Ɲanmiɛn srɛlɛ
A. Srɛlɛ nga Ɲanmiɛn tie’n
Ɲanmiɛn tie srɛlɛ nga sran’m be srɛ i’n. Ju 145:18; 1P 3:12
Sɛ sa tɛtɛ yofuɛ’m be kaciman’n, Ɲanmiɛn tieman be srɛlɛ’n. Eza 1:15-17
Ɔ fata kɛ e srɛ Ɲanmiɛn Zezi i dunman nun. Zn 14:13, 14; 2Ko 1:20
Ɔ fata kɛ e srɛlɛ’n yo Ɲanmiɛn klun su. 1Zn 5:14, 15
Ɔ fata kɛ e lafi Ɲanmiɛn su. Za 1:6-8
B. Ndɛ kunngba’n i nun flanlɛ’n, Mali annzɛ “saint” mun be srɛlɛ’n ti ngbɛn
Ɔ fata kɛ e srɛ Ɲanmiɛn Zezi dunman nun. Zn 14:6, 14; 16:23, 24
Ɲanmiɛn tieman srɛlɛ nga be kan ndɛ kunngba’n flan nun’n. Mt 6:7
29. Ɲanmiɛn su lɔ kɔlɛ
A. Sran 144.000 cɛ yɛ be kɔ ɲanmiɛn su ɔ
Sran nga bé kɔ́ ɲanmiɛn su’n b’a sɔnman. Be nin Klist bé kó dí famiɛn. Ng 5:9, 10; 20:4
Zezi yɛ ɔ dun be ɲrun mmua ɔ. B’a kpa be onga mun. Kol 1:18; 1P 2:21
Sran kpanngban wie mun ekun bé trán asiɛ’n su wa. Ju 72:8; Ng 21:3, 4
Sran 144.000 be aɲrunɲan’n wá yó dan. Ng 14:1, 3; 7:4, 9
30. Ɲanmiɛn sulɛ wafa
A. Ɲanmiɛn sulɛ wafa ng’ɔ ti kpa’n ti kunngba
Like nga e ɲin o su’n ti kun, sulafilɛ’n ti kun, batɛmu’n ti kun. Ef 4:5, 13
Be seli e kɛ e uka sran mun naan be kaci Zezi i sɔnnzɔnfuɛ. Mt 28:19; Yo 8:12; 14:21
Kɛ waka sa’n, i mma’n yɛ be fa wun i wlɛ ɔ. Mt 7:19, 20; Lk 6:43, 44; Zn 15:8
I nunfuɛ’m be klo be wiengu, be nuan sɛ. Zn 13:35; 1Ko 1:10; 1Zn 4:20
B. Be kplinman ato ndɛ’n su
Zezi buli ato ndɛ’n i fɔ. Mt 23:15, 23, 24; 15:4-9
Ɔ yoli i sɔ naan w’a sasa aɲinsifuɛ mun. Mt 15:14
Ndɛ nanwlɛ’n yoli maan be ɲannin be ti, be kacili Zezi i sɔnnzɔnfuɛ. Zn 8:31, 32
C. Sɛ e Ɲanmiɛn sulɛ wafa’n timan kpa’n, ɔ ti cinnjin kɛ e kaci
Ndɛ nanwlɛ’n ti sran ɲɛn i ti. Ɔ kle kɛ sran kpanngban be o ato’n nun. Zn 8:31, 32
Izraɛlifuɛ mun, ɔ nin sran uflɛ wie’m be kacili be Ɲanmiɛn sulɛ wafa’n. Zoz 24:15; 2Fa 5:17
Klistfuɛ klikli’m be kacili be sa. Ga 1:13, 14; Yo 3:17, 19
Pɔlu kacili i Ɲanmiɛn sulɛ wafa’n. Yo 26:4-6
Be lakali mɛn nunfuɛ mun. Ɔ fata kɛ be kaci be akunndan’n. Ng 12:9; Rɔ 12:2
D. Nán kɛ be se kɛ “Ɲanmiɛn sulɛ wafa kwlaa ti kpa’n” ti yɛ ɔ ti Ɲanmiɛn liɛ’n su ɔ
Ɲanmiɛn kleli wafa ng’ɔ fata kɛ be su i’n. Zn 4:23, 24; Za 1:27
Sɛ ɔ timan Ɲanmiɛn liɛ’n su’n, nn nɛ́n i su ɔ. Rɔ 10:2, 3
Ɲanmiɛn kwla kpalo “ninnge kpakpa” nga e yo’n. Mt 7:21-23
Be su mma’n yɛ be fa wun be wlɛ ɔ. Mt 7:20
31. Ɲanmiɛn wawɛ’n
A. ?Ngue yɛle Ɲanmiɛn wawɛ’n?
Ɲanmiɛn i wunmiɛn m’ɔ fa yo abonuan sa’n niɔn, nán sran ɔn. Yo 2:2, 3, 33; Lk 24:49
Ɔ fa yili ninnge mun, ɔ fa yoli maan be klɛli Biblu’n, ɔ fa yoli ninnge wie mun ekun. Bo 1:2; Eze 11:5
Ɔ wu sran wie mun maan be nin Klist be kaci sran wunmuan. Zn 3:5-8; 2Ko 1:21, 22
Ɔ man wunmiɛn, ɔ kle Ɲanmiɛn i sran’m be atin andɛ. Ga 5:16, 18
32. Ɲanmiɛn yɛ ɔ yili mɛn’n niɔn
A. I sɔ’n ɔ nin ndɛ nga siansi kan’n be kɔ likawlɛ. Ninnge’m b’a kacikaciman lele naan b’a yo kɛ nga e fa wun be yɛ’n sa
Wafa nga be yili ninnge mun kunngunngun’n, ɔ nin siansi’n kɔ likawlɛ. Bo 1:11, 12, 21, 24, 25
Ɲanmiɛn i mmla ng’ɔ se kɛ ninnge’m be yo be nuan su “sɛsɛsɛ’n,” ɔ ti nanwlɛ. Bo 1:11, 12; Za 3:12
B. Nán cɛn ba kun m’ɔ di dɔ 24 yɛ Ɲanmiɛn fa yili ninnge mun ɔn
Ɲanmiɛn ɲrun’n, cɛn ba kun’n, ɔ kwla yo blɛ lɔun kpa. Ju 90:4; 2P 3:8
33. Ɲrɛnnɛn lika (Zeɛni)
A. Zeɛni (ɲrɛnnɛn lika, [Nyanmiɛn Ndɛ]) nán kɛ be ra sran’m be lɔ ɔ
Inɔm ti kongo kun. Ɔ o Zerizalɛmu sin lɔ, yɛ be ra wla mun lɔ. 2Fa 23:10, 14
Zezi fali Zeɛni’n fa sunnzunnin like kun. Mt 23:33; Mr 9:47, 48
Sran ng’ɔ kɔ lɔ’n nn i liɛ w’a wie mlɔnmlɔn. Mt 10:28
Ɔ ti “wie’n i nnyɔn” su’n i nzɔliɛ. Yɛle kɛ be nga be kɔ lɔ’n, bé núnnún be mlɔnmlɔnmlɔn. Ng 20:14; 21:8
B. Sin’n ti nunnunlɛ’n i nzɔliɛ
Sran nunnunlɛ’n i nzɔliɛ yɛle sin’n. Ml 3:19; Mt 13:30
Be nga be yo sa tɛ mɔ be kaciman’n, bé núnnún kɛ sin yɛ b’a fa wɔ be nun sa. Eb 10:26, 27
Satan i “nyrun m’ɔ wun i” sin dan nun’n, yɛle kɛ bé núnnún i mlɔnmlɔnmlɔn. Ng 20:10, 14, 15
C. Aɲanbeunfuɛ’n nin Lazar be ndɛ’n kleman kɛ sran be wun be ɲrun sin nun
Wafa kunngba nga Lazar nunman Abraamu wun lɛ jrɛiin sa’n, i kunngba’n yɛle sin’n kusu. Lk 16:22-24
Be nga be nunman Abraamu wun lɛ kusu’n, ɔ ti kɛ aosin’n nun yɛ be o sa. Mt 8:11, 12
Babilɔni i nunnunlɛ’n ti kɛ sin nun ɲrɛnnɛn wunlɛ sa. Ng 18:8-10, 21
34. Sa tɛ yolɛ’n
A. ?Ngue yɛle sa tɛ yolɛ’n?
Ɔ ti Ɲanmiɛn mmla mɔ be ti kpakpa’n i tɔnlɛ. 1Zn 3:4; 5:17
Ɲanmiɛn yɛ ɔ yili sran ɔn. É kán sa nga e yoli’n klé i. Rɔ 14:12; 2:12-15
Moizi Mmla’n kleli like nga be flɛ i sa tɛ’n. Ɔ yoli maan be wunnin i wlɛ. Ga 3:19; Rɔ 3:20
E kwlaa e o tɛ nun. E fɔn Ɲanmiɛn mmla’n. Rɔ 3:23; Ju 51:7
B. ?Ngue ti yɛ Adam i sa tɛ’n o e kwlaa e su ɔ?
Adam ti’n fɔ nin wie’n sali e ngba. Rɔ 5:12, 18
Ɲanmiɛn trɛ i awlɛn klɔ sran’m be wun. Ɔ si be aunnvuɛ dan. Ju 103:8, 10, 14, 17
Zezi i tɛ ng’ɔ yili’n yi e wun sa tɛ’n. 1Zn 2:2
Sa tɛ’n nin Satan i ninnge’m be kwlaa bé wíe. 1Zn 3:8
C. Sa tɛ nga Adam nin Ɛvu be yoli’n yɛle waka mma’n i dilɛ’n, nán sua silɛ ɔ
Ɲanmiɛn dun mmua mannin mmla’n naan w’a yi Ɛvu. Bo 2:17, 18
Ɔ seli Adam nin Ɛvu be kɛ be wu ba. Bo 1:28
Nán sa tɛ’n ti yɛ be wu ba ɔ, Ɲanmiɛn yɛ ɔ man ɔn. Ju 127:3-5
Kɛ Ɛvu fɔ́n nn i wun’n nunman lɛ. W’a minndɛmɛn i. Bo 3:6; 1Ti 2:11-14
Adam m’ɔ ti yasua’n, ɔ fɔnnin Ɲanmiɛn mmla’n. Rɔ 5:12, 19
D. ?Ɲanmiɛn wawɛ’n i wun ndɛ kanlɛ’n i bo’n yɛle benin? (Mt 12:32; Mr 3:28, 29)
Nɛ́n i sɔ sa tɛ’n yɛ Adam fa sali e ɔ. Rɔ 5:8, 12, 18; 1Zn 5:17
Sran kun kwla bo Ɲanmiɛn wawɛ’n i wla, sanngɛ ɔ kwla yo kpa ekun. Ef 4:30; Za 5:19, 20
Kɛ sran kun i ɲinfu ka sa tɛ yolɛ’n su’n, ɔ́ mɛ́n i wie. 1Zn 3:6-9
Ɲanmiɛn bu i sɔ sran’n i fɔ, ɔ yi i wawɛ’n i su. Eb 6:4-8
Ɔ fataman kɛ e srɛ Ɲanmiɛn man be nga be kaciman’n. 1Zn 5:16, 17
35. Sran cɛnlɛ
A. Like ng’ɔ minndɛ be nga be wuli’n
Be kwlaa nga be o ndia’n nun’n bé cɛ́n. Zn 5:28, 29
Zezi i cɛnlɛ’n ti’n, e lafi su kɛ ɔ́ yó sɔ sakpa. 1Ko 15:20-22; Yo 17:31
Sran ng’ɔ kan Ɲanmiɛn wawɛ’n i wun ndɛ tɛ’n su cɛnman. Mt 12:31, 32
Be nga be lafi Zezi su’n bé cɛ́n. Zn 11:25
B. Sran wie’m bé cɛ́n bé kɔ́ ɲanmiɛn su, yɛ wie’m bé ká asiɛ’n su wa
Adam ti yɛ sran wu ɔ. Zezi ti yɛ sran ɲan nguan ɔn. 1Ko 15:20-22; Rɔ 5:19
Sran cɛnlɛ’n le i wafa. 1Ko 15:40, 42, 44
Be nga bé tó Zezi lɔ’n bé káci kɛ i sa. 1Ko 15:49; Fil 3:20, 21
Be nga be diman famiɛn’n wie’n bé ká asiɛ’n su wa. Ng 20:4b, 5, 13; 21:3, 4
36. Sran’m be juejue yolɛ, aniɛn wie’m be ijɔlɛ
A. Sɛ be yo e juejue Ɲanmiɛn ninnge’m be nun’n, i su mmlusuɛ’n wieman le
Sɛ e timan juejue Ɲanmiɛn ninnge’m be nun’n, é mlín. Eza 1:4-6; 6:10; Oz 4:6
E junman klikli’n yɛle sran’m be juejue yolɛ Ɲanmiɛn ninnge’m be nun. Zn 6:63; Lk 4:18
Sran’m be juejue yolɛ Ɲanmiɛn ninnge’m be nun’n yi sa tɛ’n, ɔ man aklunjuɛ ɔ nin nguan. Za 5:19, 20; Ng 7:14-17
B. Ɲanmiɛn Sielɛ’n ɔ́ yó sran’m be juejue
Zezi wieli sran’m be wunnɛn ya’n, ɔ boli Ɲanmiɛn Sielɛ’n i jasin fɛ’n. Mt 4:23
Ɲanmiɛn Sielɛ’n yɛ maan é ɲán e ti mlɔnmlɔn ɔn. Mt 6:10; Eza 9:6
Wie’n bɔbɔ wíe. 1Ko 15:25, 26; Ng 21:4; 20:14
C. Ajulisu sran’m be sran juejue yolɛ wafa’n timan Ɲanmiɛn liɛ’n su
Akoto’m b’a yoman be bɔbɔ be wun juejue. 2Ko 12:7-9; 1Ti 5:23
Kɛ akoto’m be wuli’n, abonuan sa yolɛ’n wieli. 1Ko 13:8-11
Sran juejue yolɛ’n kleman kɛ Ɲanmiɛn klun jɔ be wun. Mt 7:22, 23; 2Tɛ 2:9-11
D. Aniɛn wie’m be ijɔlɛ’n timan like m’ɔ́ ká lɛ tititi ɔ
Ɔ ti nzɔliɛ like. Ninnge kpakpa wie’m be o lɛ, be yɛ ɔ fata kɛ e kunndɛ ɔ. 1Ko 14:22; 12:30, 31
Biblu’n kannin kɛ i sɔ ninnge’m bé wíe. 1Ko 13:8-10
Abonuan sa mɔ sran’m be yo’n kleman kɛ Ɲanmiɛn klun jɔ be wun. Mt 7:22, 23; 24:24
37. ?Sran’n le i sin like kun?
A. Like fi nunman sran nun m’ɔ wuman ɔn
Sran lemɛn i sin like kun m’ɔ wuman ɔn. Bo 2:7; 3:19
Kɛ sran’n ko wu’n nn w’a wu. Ak 9:4-5, 10
Ɲanmiɛn i sufuɛ’m be bumɛn i kɛ sran’n le i sin like kun m’ɔ wuman ɔn. Ju 30:10; Zn 11:11-14
38. Srɛlɛ nga Ɲanmiɛn sulɛ wafawafa kwlaa be yia be srɛ’n
A. Yialɛ nga Ɲanmiɛn sulɛ wafawafa’m be yia be su i’n, ɔ timɛn i liɛ’n su
Atin’n ti kunngba cɛ, ɔ ti fii, be nga be wun i’n b’a sɔnman. Ef 4:4-6; Mt 7:13, 14
Be wlali be su nun kɛ ato ndɛ’n kwla saci sran. Mt 16:6, 12; Ga 5:9
Be seli e kɛ e jaso be nun. 2Ti 3:5; 2Ko 6:14-17; Ng 18:4
B. Kɛ be se kɛ “Ɲanmiɛn sulɛ wafa kwlaa ti kpa’n” ɔ timan nanwlɛ
Wie’m be waan be klo Ɲanmiɛn sanngɛ nɛ́n i klolɛ’n i kpa’n wie ɔ. Rɔ 10:2, 3
Like ng’ɔ ti tɛ’n saci like ng’ɔ ti kpa’n kwlaa. 1Ko 5:6; Mt 7:15-17
Be nga be kle ato ndɛ’n be mlin sran. 2P 2:1; Mt 12:30; 15:14
Ɲanmiɛn sulɛ kpafuɛ nun’n, Ɲanmiɛn kunngba cɛ yɛ ɔ fata kɛ be su i ɔ. Mml 6:5, 14, 15
39. Waka nda
A. Kɛ be boboli Zezi waka’n su’n, ɔ ti i ɲin ase gualɛ
Be boboli Zezi waka kun su. Yo 5:30; 10:39; Ga 3:13
Ɔ fata kɛ Klistfuɛ’m be sua be waka’n kɛ ɲannzuɛn like sa. Mt 10:38; Lk 9:23
B. Ɔ fataman kɛ be sɔ waka nda’n
Zezi i waka’n i fa klelɛ’n ti i finfin yolɛ. Eb 6:6; Mt 27:41, 42
Sɛ be fa waka nda’n be su Ɲanmiɛn’n, ɔ ti amuin sɔlɛ. Tu 20:4, 5; Ze 10:3-5
Zezi ti aolia nun sran, ɔ nunman waka’n su kun. 1Ti 3:16; 1P 3:18
40. Waka sran, fafuɛ
A. Waka sran ɔ nin fafuɛ’m be falɛ Ɲanmiɛn sulɛ nun’n ɔ ti Ɲanmiɛn i finfin yolɛ
Be kwlá sɛman Ɲanmiɛn. 1Zn 4:12; Eza 40:18; 46:5; Yo 17:29
Ɲanmiɛn tannin Klistfuɛ’m be waka sran falɛ i sulɛ nun. 1Ko 10:14; 1Zn 5:21
Ɔ nin i fata kɛ e su Ɲanmiɛn akunndan nun ɔ nin nanwlɛ nun. Zn 4:24
B. Kɛ Izraɛli nvle’n sɔli waka sran mun’n i bo’n guali tɛ mɛnnin i
Ɲanmiɛn seli Zuifu’m be kɛ nán be sɔ waka sran mun. Tu 20:4, 5
Waka sran’m be timan sa, be ijɔman. Be yofuɛ’m bé káci kɛ be sa. Ju 115:4-8
Ɔ kacili kɛ aya sa, ɔ kunnin be. Ju 106:36, 40-42; Ze 22:8, 9
C. Ɔ nin i fataman kɛ e su Ɲanmiɛn naan e fa like uflɛ e sie e wun
Ɲanmiɛn kunndɛ kɛ i kunngba cɛ yɛ e su i ɔ. Eza 42:8
Ɲanmiɛn kunngba cɛ yɛ ɔ ‘ti e srɛlɛ’n’ niɔn. Ju 65:2, 3
41. Wie
A. Like nga ti yɛ sran wu’n
Kɛ Ɲanmiɛn yili sran’n, fɔ nunmɛn i nun, yɛ ɔ kwla ka nguan nun tititi. Bo 1:28, 31
Ɲin kekle mɔ Adam nin Ɛvu be yoli’n ti yɛ e wu ɔ. Bo 2:16, 17; 3:17, 19
Sa tɛ’n nin wie’n wluli Adam i mma’m be kwlaa be nun. Rɔ 5:12
B. ?Kɛ sran wu’n ɔ ti sɛ?
Be nga be wuli’n, be wunman like fi wlɛ kun. Ak 9:4-5, 10; Ju 146:3, 4
Be nga be wuli’n be su lafi. Be su minndɛ cɛn nga bé cɛ́n be’n. Zn 11:11-14, 23-26
C. E nin sran nga be wuli’n e kwlá ijɔman
Be nga be wuli’n be kaciman aolia nun sran be kɔman Ɲanmiɛn sin lɔ. Ju 30:10; 88:11-13
Ɲanmiɛn Ndɛ’n se e kɛ nán e nin be nga be wuli’n e ijɔ. Eza 8:19, 20; Sau 19:31
Be nga be nin wunmiɛn mun ijɔ’n, Ɲanmiɛn nin be le i. Mml 18:10-12; Ga 5:19-21
42. Wunmiɛn lolɛ cɛn
A. Wunmiɛn lolɛ cɛn’n timan Klistfuɛ’m be liɛ
Zezi i wie’n ti’n, e diman Moizi Mmla’n su kun. Ef 2:15
Klistfuɛ’m be diman wunmiɛn lolɛ cɛn’n su. Kol 2:16, 17; Rɔ 14:5, 10
Be ijɔli sran wie mɔ be yoli i sɔ ninnge mun’n. Ga 4:9-11; Rɔ 10:2-4
Ɔ fata kɛ e lafi Ɲanmiɛn su naan e ɲin yi i naan y’a wlu i wunmiɛn lolɛ lika’n nun. Eb 4:9-11
B. Wunmiɛn lolɛ cɛn’n i mmla’n ti laa Izraɛlifuɛ’m be liɛ
Kɛ be fin Ezipt lɔ fiteli’n yɛ be boli wunmiɛn lolɛ cɛn’n dilɛ bo ɔ. Tu 16:26, 27, 29, 30
Ɔ ti nzɔliɛ kun m’ɔ o Ɲanmiɛn nin Izraɛlifuɛ’m be afiɛn. Tu 31:16, 17; Ju 147:19, 20
Moizi Mmla’n nun’n, be di wunmiɛn lolɛ afuɛ’n i su. Tu 23:10, 11; Sau 25:3, 4
Wunmiɛn lolɛ cɛn’n timan Klistfuɛ’m be liɛ. Rɔ 14:5, 10; Ga 4:9-11
C. Ɲanmiɛn i wunmiɛn lolɛ cɛn’n (“le mɔcuɛ” nga i nun yɛ Ɲanmiɛn yili ninnge mun’n i le 7 su)
Kɛ be wieli asiɛ’n su wa ninnge’m be yi’n yɛ ɔ boli i bo ɔ. Bo 2:2, 3; Eb 4:3-5
Kɛ Zezi bá asiɛ’n su wa bɔbɔ’n nn cɛn sɔ’n nin a wieman. Eb 4:6-8; Ju 95:7-9, 11
Klistfuɛ’m be yacili be klunklo ninnge’m be yolɛ be deli wunmiɛn. Eb 4:9, 10
Kɛ Ɲanmiɛn Sielɛ’n ko wie i junman’n i di asiɛ’n su wa’n, yɛ cɛn sɔ’n wíe ɔ. 1Ko 15:24, 28
43. Wunmiɛn ng’ɔ o sran nun’n
A. ?Ngue yɛle wunmiɛn sɔ’n?
I yɛle nguan’n, wunmiɛn nga e lo’n ti yɛ e kwla tran nguan nun ɔn. Za 2:26; Zb 27:3
Ɲanmiɛn yɛ ɔ man wunmiɛn sɔ’n niɔn. Zkr 12:1; Ak 8:8
Wunmiɛn ng’ɔ o sran nin nnɛn’m be nun’n fin Ɲanmiɛn. Ak 3:19-21
E wunmiɛn’n sɛ i sin Ɲanmiɛn sa nun naan cɛn wie lele’n w’a cɛn e. Lk 23:46
44. Zezi
A. Zezi ti Ɲanmiɛn i Wa, yɛ ɔ sieli i Famiɛn
Ɔ ti Ɲanmiɛn i Wa kpɛn, ɔ ukali Ɲanmiɛn ninnge’m be yilɛ nun. Nya 8:30; Kol 1:15
Bla wuli i klɔ sran, anzi’m be kpa trɛli i. Ga 4:4; Eb 2:9
Ɲanmiɛn wawɛ’n wuli i, ɔ maan ɔ́ trán ɲanmiɛn su lɔ. Mt 3:16, 17
I dunman’n fuli trali ng’ɔ le i laa naan w’a ba asiɛ’n su wa’n. Fil 2:9, 10
B. Ɔ fata kɛ e lafi Zezi Klist su naan y’a fite nun
Abraamu i osu’n yɛle Klist. Bo 22:18; Ga 3:16
Zezi kunngba cɛ yɛ ɔ ti Ɲanmiɛn ɲrun jranfuɛ’m be su kpɛn’n niɔn. Ɔ fɛli i wun kpɔli e ti. 1Zn 2:1, 2; Eb 7:25, 26; Mt 20:28
Saan é sí Ɲanmiɛn nin Klist, yɛ é yó aɲinyiɛfuɛ naan y’a ɲan nguan. Zn 17:3; Yo 4:12
C. Ɔ fataman kɛ e lafi Zezi su ngunmin
Ɔ fata kɛ e yo sa kpakpa e uka e Ɲanmiɛn su mɔ e lafi’n su. Za 2:17-26; 1:22-25
Ɔ fata kɛ e fɛ i mmla’m be su naan e yo like ng’ɔ yoli’n wie. Zn 14:12, 15; 1Zn 2:3
Nán be kwlaa mɔ be bo i dunman’n yɛ Ɲanmiɛn síe be ɔ. Mt 7:21-23
45. Zoova i Lalofuɛ mun
A. ?Zoova i Lalofuɛ’m be fin nin?
Zoova kleli be nga be ti i Lalofuɛ mun’n. Eza 43:10-12; Ze 15:16
Zoova i Lalofuɛ klikli’n yɛle Abɛli. Eb 11:4, 39; 12:1
Zezi yoli Zoova i Lalofuɛ nanwlɛfuɛ. Zn 18:37; Ng 1:4-5; 3:14
46. Zoova, Ɲanmiɛn
A. Ɲanmiɛn i dunman’n
Ɲanmiɛn i dunman’n yɛle Zoova. Sanngɛ Biblu wie’m be nun’n, be yili Ɲanmiɛn i dunman’n. Ju 83:18, NW; Eza 42:8, NW
Zezi yoli maan sran’m be sili Ɲanmiɛn i dunman’n. Zn 12:28; Eb 2:12
B. ?Ɲanmiɛn o lɛ sakpa?
Sran ng’ɔ wun Ɲanmiɛn’n kwlá tranman nguan nun. Tu 33:20; Zn 1:18; 1Zn 4:12
Ɔ timan cinnjin kɛ e wun Ɲanmiɛn naan y’a si kɛ ɔ o lɛ sakpa. Eb 11:1; Rɔ 8:24, 25; 10:17
Ninnge nga Ɲanmiɛn yili be’n maan e si kɛ ɔ o lɛ sakpa. Rɔ 1:20; Ju 19:2,3
Sa nga Ɲanmiɛn dun mmua kan mɔ be kpɛn su’n, ɔ kle kɛ Ɲanmiɛn o lɛ sakpa. Eza 46:8-11
C. Wafa nga Ɲanmiɛn ti’n
Ɲanmiɛn ti sran klofuɛ. 1Zn 4:8, 16; Tu 34:6; 2Ko 13:11; Mi 7:18
Ngwlɛlɛ’n ti i liɛ. Zb 12:13; Rɔ 11:33; 1Ko 2:7
Ɔ yo sa i nuan su. Mml 32:4; Ju 37:28
Ɔ kwla sa kwlaa yo, i tinmin’n ti dan. Zb 37:23; Ng 7:12; 4:11
D. Nán sran ngba yɛ ɔ su Ɲanmiɛn ɔn
Atin wie o lɛ’n, a wun i ɔ, ɔ waan ɔ ti kpa, sanngɛ ɔ timan sɔ titi. Nya 16:25; Mt 7:21
Atin’n ti nɲɔn, sanngɛ kunngba cɛ yɛ ɔ ti nguan atin’n niɔn. Mt 7:13, 14; Mml 30:19
Ninnge nga sran’m be sɔ be’n be sɔnnin, sanngɛ Ɲanmiɛn’n ti kunngba cɛ. 1Ko 8:5, 6
Saan é sí Ɲanmiɛn naan y’a ɲan nguan. Zn 17:3; 1Zn 5:20