Jue 19
Mɛn klanman nga Ɲanmiɛn mán e’n
1. Mɛn klanman kun’n, Ɲanmiɛn sunnzun kɛ,
Klist dunman nun’n, ɔ́ wá mán e’n.
Fɔnlɛ’n ɔ nin sa tɛ’n bé núnnún,
Ɲinmuɛn’n nin wie’n nunman lɛ kun.
(I SU SƆLƐ)
Asiɛ’n káci Mɛn klanman kun.
Miɛn dunman nun ti’ɛ e wuin kpa,
Ndɛ sɔ’n kpɛ́n su Klist i lika,
Ɔ klo Ɲanmiɛn i nuan ndɛ’n kpa.
2. Cɛn wie lele’n, Ɲanmiɛn Kpli klun’n su,
I Wa’n cɛ́n be nga be wuli’n.
Ɔ́ yó kɛ nga Klist fa kannin’n sa:
‘A nin min trán’ mɛn klanman nun.
(I SU SƆLƐ)
Asiɛ’n káci Mɛn klanman kun.
Miɛn dunman nun ti’ɛ e wuin kpa,
Ndɛ sɔ’n kpɛ́n su Klist i lika,
Ɔ klo Ɲanmiɛn i nuan ndɛ’n kpa.
3. Mɛn klanman kun, Zoova m’ɔ ti Kpli’n,
Sunnzunnin kɛ ɔ́ fá mán e.
Cɛn kwlaa e la Zoova i ase,
Yɛ e to jue e mɛnmɛn i.
(I SU SƆLƐ)
Asiɛ’n káci Mɛn klanman kun.
Miɛn dunman nun ti’ɛ e wuin kpa,
Ndɛ sɔ’n kpɛ́n su Klist i lika,
Ɔ klo Ɲanmiɛn i nuan ndɛ’n kpa.
(An nian Mat. 5:5; 6:10; Zan 5:28, 29 nun wie.)