Jue 88
Be klun ba’n ti Ɲanmiɛn i aja like
1. Sɛ yasua kun kaci siɛ kun’n
Naan bla kun i bɔbɔ wu i wa kun’n,
Ɔ ti aja like, be si kɛ
Ɔ finman be bɔbɔ ngunmin.
Zoova y’ɔ mannin be ba mun ɔn.
Sran klolɛ’n nin nguan’n bɔbɔ’n be fin i.
Ɔ seli siɛ nin niɛn mun be kɛ
Be nanti ngwlɛlɛ atinfuɛ’n su.
(I SU SƆLƐ)
Aja like’n, be mannin amun.
Nguan dan wo amun sa nun.
An kwla yi sran klolɛ dan’n i nglo,
An ta ba mun Ɲanmiɛn liɛ’n su.
2. Ndɛ ngba nga Ɲanmiɛn kannin be’n,
Nán amun wla fi be su le mlɔnmlɔn.
Ndɛ sɔ mɔ amun kan kle ba mun’n,
Be ti amun aja like.
Sɛ atin su an su kɔ lika’n,
Sɛ awlo lɔ an tinnge o, an kan.
Be wla su fiman su le mlɔnmlɔn,
I liɛ bé yó sran kpa, bé ɲán ye.
(I SU SƆLƐ)
Aja like’n, be mannin amun.
Nguan dan wo amun sa nun.
An kwla yi sran klolɛ dan’n i nglo,
An ta ba mun Ɲanmiɛn liɛ’n su.
(An nian Mml. 6:6, 7; Efɛ. 6:4; 1 Tim. 4:16 nun wie.)