Maan e wla e wiengu’m be fanngan

1. Kɛ e wla e wiengu’m be fanngan’n,

Naan y’a nian nun y’a su Zoova’n,

E wun kɛ e wun klolɛ’n yo dan.

Aklunye’n fa aklunjuɛ ba.

Ɲanmiɛn i nvlefuɛ’m be wun klolɛ’n

Ɔ yo maan be tra be awlɛn.

E asɔnun’n ti fiawlɛ lika.

Kɛ e o lɔ’n e klun jɔ fɔuun.

2. Ndɛ ng’ɔ ju i kanwlɛ’n mɔ be kan’n,

I fɛ m’ɔ yo’n, be kɛnmɛn kun!

E ti fɔnvɔlɛ ndɛ fɛ sɔ mun

E awlɛn su sran’m be nuan nun.

E nga e akunndan’n ɔ ti kun’n,

E junman dilɛ’n ɔ yo fɛ.

E kunndɛ e wun fanngan wlalɛ,

E uka trɔ nɔnninfuɛ mun.

3. E Ɲanmiɛn sulafilɛ’n i ti’n

E wun kɛ i cɛn’n w’a mantan,

Ɔ maan nán e yaci yialɛ’n le

Yɛ é ká atin’n su titi..

Kɛ e nin Zoova i nvle’n e o’n,

E waan é sú i tititi.

Ɔ maan e wla e wiengu fanngan

Naan y’a yaci’a seiin nantilɛ.