Ɲanmiɛn i asenna

1. Ɲanmiɛn Kpli, manmanlɛ’n nin wɔ fata.

Ee Asasi, e srɛlɛ’n kɔ ɔ sin.

Wɔ m’a fa ɔ su sie kokolɛ’n bo’n,

E srɛ wɔ naan a sasa e ti wie.

Cɛn kwlakwla e yaci’a sa tɛ’n yolɛ’n,

I ti yɛ maan e se wɔ yaci’n niɔn.

A toli e nin ɔ Wa’n i mmoja’n.

E klo kɛ wɔ y’a kle e like ɔ.

2. Be kwlaa nga a fa be mantan ɔ wun’n

Naan á klé be like’n, be klun jɔ dan.

Ɔ mmla sanwun y’ɔ kle e atin ɔn.

Ɔ sua’n nun yɛ e klo kɛ é trán ɔn.

Nanwlɛ, ɔ tinmin’n ti dan, i sɔ’n ti

Ɔ sufuɛ’m be ɲan wunmiɛn jran kekle.

E defuɛ, e manman ɔ Sielɛ Blɛ’n.

E su se’a kɛ e bo’a jasin fɛ’n kun.

3. A kpɛli ɔ ɲin’n asiɛ’n i su wa,

Maan asiɛ’n sufuɛ’m be kwlaa be su wɔ.

Ɔ Sielɛ Blɛ’n man aklunye ngunmin.

Ɔ́ wá núnnún wie’n ɔ nin tukpacɛ’n,

Ɔ Wa’n ɔ́ núnnún sa tɛ yofuɛ mun.

Aklunjuɛ’n kún ninnge ng’a yili’n kpo.

Ɔ sufuɛ kpakpa mun bé kpán sé kɛ:

“Maan e manman Famiɛn Zoova cɛn kwlaa!”