?Ngue ti yɛ a klo Ɲanmiɛn i sulɛ kpafuɛ’n niɔn?

Kɛ Ezekiɛli wunnin Ɲanmiɛn i sua’n aolia nun’n, i sɔ’n wlali Zuifu nga be trali be ɔli’n be fanngan. Afin i sɔ’n yoli maan be lafili su kɛ Ɲanmiɛn i sulɛ kpafuɛ’n ɔ́ táka ekun. Blɛ kasiɛn nga nun’n, Ɲanmiɛn i sulɛ kpafuɛ’n w’a “taka oka’m be su.” Yɛ e o nvlenvle’m be kwlaa nga be tu sa kpu, be kɔ lɔ’n be nun. (Eza 2:2) A si Zoova yɛ a su i. ?A bu cenjele like sɔ’n i su akunndan titi?

NINNGE KPAKPA NGA ƝANMIƐN I SULƐ KPAFUƐ’N TI’N, E ƝAN BE’N:

• 

  Ɲanmiɛn i sulɛ nun’n, e ɲan ninnge kaka kpa mɔ e kwla fa sunnzun aliɛ-ɔ. I sɔ’n ti’n e si kosan cinnjin’m be su tɛlɛ mun. Be man e afɔtuɛ kpakpa mun. Yɛ e le like kpa kun mɔ e kwla fa e wla e gua su-ɔ.—Eza 48:17, 18; 65:13; Rɔ 15:4

• E le e niaan kpanngban kpa mɛn wunmuan’n nun.—Ju 133:1; Zn 13:35

• Ɲanmiɛn man e atin kɛ e nin i e di junman kun mɔ i dilɛ yo fɛ kpa’n.—Sa Nga Be Yoli’n 20:35; 1Ko 3:9

• Blɛ kekle nun’n, ‘Ɲanmiɛn maan e wun jɔ e fɔuun.’—Fil 4:6, 7

• E akunndan’n buman e fɔ.—2Ti 1:3

• E “ti [Zoova] i janvuɛ.”—Ju 25:14

?Ninnge benin mun yɛ n kwla yo n kle kɛ n klo Ɲanmiɛn i sulɛ kpafuɛ’n niɔn?