Aolia nun sa kun m’ɔ wlali be Ɲanmiɛn sulafilɛ’n i bo ase kpa’n

9:1-7

Kɛ Zezi i wunnɛn’n kacili’n, i Si’n m’ɔ o ɲanmiɛn su lɔ’n seli kɛ i klun jɔ i wun. Kɛ Zezi tili i sɔ’n, an bu wafa nga i sɔ’n yoli i’n, i akunndan kan be nian! Nanwlɛ, i sɔ’n mɛnnin i wunmiɛn naan w’a jran ɲrɛnnɛn nga bé wá klé i’n, i ɲrun kekle. Aolia nun sa sɔ’n wlali Piɛli, nin Zaki, nin Zan be fanngan wie. Ɔ maan be wa lafili su kpa kɛ Zezi yɛ ɔ ti Mɛsi’n niɔn, naan i nuan ndɛ mɔ be tieli’n, w’a yoman be wun yalɛ klelɛ. Kɛ sa sɔ’n i osu lali nun afuɛ kɔe 32 bɔbɔ’n, Piɛli i wla w’a fiman su. Asa ekun’n, wafa nga i sɔ’n ti’n ɔ lafili “Nyanmiɛn nuan ijɔfuɛ’m be ndɛ nga be kannin’n,” i su’n, i wla w’a fiman su wie.—2P 1:16-19.

Kannzɛ y’a wunman sa sɔ’n nun’n, sanngɛ e wun wafa ng’ɔ kpɛn su andɛ’n. Yɛle kɛ Zezi su di famiɛn, yɛ ɔ le kwlalɛ dan. Ɔ ka kan’n, “ɔ́ kwlá” i kpɔfuɛ’m be mlɔnmlɔnmlɔn, yɛ asiɛ’n káci mɛn klanman. Yɛ ɔ́ yó sran kpa’m be liɛ.​—Ng 6:2.

?Kɛ a wun kɛ Biblu’n nun ndɛ’m be su kpɛn su’n, ɔ Ɲanmiɛn sulafilɛ’n yo sɛ?