‘Ɲanmiɛn yɛ ɔ ti sran klofuɛ’n niɔn’

1. Ɲanmiɛn mɔ ti sran klofuɛ’n waan:

‘Amun fa min atin’n su.’

Sɛ e klo Ɲanmiɛn nin sran mun’n,

É yó sa kpakpa cɛn kwlaa.

I sɔ liɛ’n yɛ ɔ man nguan ɔn.

E klo kɛ é ɲán nguan sɔ’n.

Klistfuɛ klolɛ’n ká e nun kpa.

É yí Klistfuɛ klolɛ’n nglo.

2. Nanwlɛ’n i klolɛ’n man wunmiɛn.

E klo Ɲanmiɛn e klo sran.

Kɛ e fɔn’n ɔ kunndɛ dé e.

I fanngan nun e jran kpa.

Sran klofuɛ’n yoman aɲinblɔɛ.

Sran klofuɛ’n yo aklunye.

Maan e klo e wiengu mun kpa.

Maan e ɲan klolɛ’n su ye.

3. Nán e fa klunngbɔ sie e klun,

Naan e yo like tɛ wie.

E nian Ɲanmiɛn, ɔ́ klé atin.

Mmla nga ɔ́ klé e mun’n yɛ:

Klo Ɲanmiɛn yɛ klo ɔ wiengu,

I sɔ’n ti klolɛ kpafuɛ’n.

Maan e klo e wiengu mun kpa

Kɛ Ɲanmiɛn fa klo be’n sa.