“Wafa nga e kwla fa e sa nun like e man Zoova’n”

?Wafa sɛ yɛ e kwla ‘fa e sa nun like man Zoova ekun-ɔn’? (1Nyo 29:5, 9, 14) Junman nga Zoova i Lalofuɛ’m be di i e asa’n su wa’n nin mɛn wunmuan nun’n, wafa nga e kwla man e klunklo like e fa suɛn i bo’n, be nun wie mun yɛ:

E KLUNKLO LIKE NGA E MƐN I ƐNTƐNƐTI SU’N, ANNZƐ NGA E FA GUƐ I SIKA GUAWLƐ’M BE NUN’N:

• 

  MƐN WUNMUAN NUN JUNMAN’N

  Be fa nian Betɛli mun nin lika nga be kaci fluwa aniɛnaniɛn’m be nun’n be lika, yɛ be fa kplan uflɛ.

  Be fa suan Anuannzɛ’n i suklu’m be bo.

  Be fa suan blɛ kwlaa nun Ɲanmiɛn junman difuɛ’m be bo.

  Be fa suan aniaan nga sanvuɛ sa dandan tɔ be su’n, be bo.

  Be fa yi fluwa nin video mun, ɔ nin e ninnge nga be fite ɛntɛnɛti su, nin ajulisu mannzin kanngan’m be nun’n.

• 

  ASƆNUN’N NUN KALƐ MUN

  Be fa tua kalɛ kɛ nzue nin kolan kalɛ sa. Yɛ be fa nian asɔnun sua’n i lika.

  Asɔnun nunfuɛ’m be ti be wun aniɛn yɛ be fɛ i nun sika wie man Betɛli’n kɛ...

  • ɔ fa suan Ɲanmiɛn Sielɛ Sua nin aɲia dandan yowlɛ’m be kplanlɛ’n i bo.

  • Anuannzɛ’n fa sasa mɛn wunmuan nun Ɲanmiɛn sulɛ sua mun.

  • ɔ fa suan junman wie mun ekun mɔ e di be mɛn wunmuan nun’n be bo.

NVLE KUN AƝIA NIN AKPASUA KUN AƝIA MUN

E sa nun like nga e man’n e nvle kun aɲia’m be bo’n, be fa suan mɛn wunmuan nun junman’n i bo. Sika sɔ’n yɛ be fa tannin nvle kun aɲia mun, nin nvlenvle’m be aɲia, nin aɲia dandan ngunmin kun nga e yo be’n, be wun kalɛ mun-ɔn.

E klunklo like nga e man fa suan e akpasua’n i bo’n, be fa tannin aɲia dandan yowlɛ’m be wun kalɛ mun yɛ be fa nian be lika. Be fa wie fa tannin akpasua’n i wun kalɛ uflɛ wie mun ekun. Akpasua kun nunfuɛ’m be kwla ti be wun aniɛn kɛ bé fá akpasua’n i sika’n i bue fá súan mɛn wunmuan nun Ɲanmiɛn junman nga Zoova i Lalofuɛ’m be di’n i bo.