?Wafa sɛ yɛ Zoova bú i-ɔ?

Ka naan y’a fa ajalɛ’n, maan ɔ yo kaan annzɛ dan-o, e dun mmua e usa e wun kɛ: ‘?Wafa sɛ yɛ Zoova bú i-ɔ?’ Ɔ ti su kɛ e kwlá siman ninnge kwlaa nga Zoova waan ɔ́ yó be’n. Sanngɛ like kwlaa nga e sa miɛn i wun naan y’a “di junman kwlaa ng’ɔ ti kpa’n” ɔ yiyili nun i nuan Ndɛ’n nun. (2Ti 3:16, 17; Rɔm 11:33, 34) Kɛ mɔ Zezi wunnin Zoova i klun sa’n i wlɛ’n ti’n, ɔ fali Zoova i klun sa yolɛ’n sieli i like kwlaa ɲrun. (Zn 4:34) Kɛ Zezi sa’n, maan e mian e ɲin naan ajalɛ kwlaa nga é fá’n, ɔ jɔ Zoova klun.​—Zn 8:28, 29; Efɛ 5:15-17.

AN NIAN VIDEO NGA BE FLƐ I KƐ MAAN E WUN ZOOVA I KLUN SA’N I WLƐ TITI. (SAU 19:18) I SIN’N, AN TƐ KOSAN NGA’M BE SU:

• ?Ngue ti yɛ ɔ ti cinnjin kɛ ninnge kwlaa nga é yó be’n nun’n, e nanti Biblu’n nun mmla’m be su-ɔ?

• ?Biblu’n nun mmla benin mun yɛ be kwla uka e naan y’a wun miziki nga é tíe annzɛ e su tieman’n, be wlɛ-ɔ?

• ?Be wun wlawlalɛ nin be wun siesielɛ nun’n, Biblu’n nun mmla benin mun yɛ be kwla uka e naan y’a fa ajalɛ kpa-ɔ?

• ?Sa uflɛ benin’m be nun ekun yɛ e kwla nanti Biblu’n nun mmla’m be su-ɔ?

• ?É yó sɛ naan y’a wun Ɲanmiɛn i klun sa’n i wlɛ kpa ekun?