Sran nnan mɔ be ti nnɛn kpanngɔ’m be su’n

Zezi ti nnɛn kpanngɔ ufue’n su yɛ ta o i sa nun. Yɛ sran ng’ɔ ti nnɛn kpanngɔ ɔkwlɛ’n su’n nin ng’ɔ ti nnɛn kpanngɔ ble tuun’n su’n ɔ nin ng’ɔ ti nnɛn kpanngɔ mɔ w’a kpa fuai’n su’n, be su i su.

Zezi “ɔli kɛ ɔ nin i kpɔfuɛ’m bé kó kún alɛ.” Be yɛle Satan nin i mmusu mun. Ɔ kannin be bo yili be asiɛ’n su. Zezi te kun alɛ, afin blɛ kasiɛn nga nun’n, ɔ ukɛ i sufuɛ mun yɛ ɔ sasa be. Aamagedɔn alɛ nun’n, Zezi wá kwlɛ́ i kpɔfuɛ mun. Yɛle kɛ ɔ́ yó maan sa tɛtɛ kwlaa nga sran nsan nga be ti nnɛn kpanngɔ’m be su’n be fa yili i asiɛ’n su’n, be su tranman lɛ kun.